Bu gün bir çox şirkət süni intellekt alətləri hazırlayır. Lakin onlardan bəziləri çox istifadə olunur və bazarda liderlik edir. Bunlar isə ChatGPT və Google Bard süni intellekt çatbotlarıdır. Google uzunmüddətdir ki, OpenAI şirkəti ilə rəqabət içərisindədir. Belə ki, texnologiya nəhəngi hər dəfə yeniliklər edərək Google Bard süni intellekt alətini qabağa çəkməyə çalışır. Artıq Google şirkətinin Bard süni intellekti daha düşüncəli olacaq və istifadəçilərə səmimi məsləhətlər verəcək. Ümumiyyətlə bu gün bütün süni intellekt alətləri müəyyən alqoritmə əsaslanır. Siz tapşırığı verirsiz o isə həlləri göstərir.
Lakin Google bu alqoritmlərdən kənara çıxmağa niyyətlidir. Belə ki, texnologiya nəhənginin süni intellekti artıq yalnız alqoritmlər əsasında cavablar verməyəcək. İstifadəçilər artıq Google Bard ilə məsləhətləşə biləcək, öz dərdlərini ona deyə biləcək və Bard onlarn dərdlərinə şərik olaraq müəyyən dərəcədə nəvaziş göstərəcək. Beləliklə deyə bilərik ki, artıq Google Bard süni intellekt daha düşüncəli və səmimi olacaq. Google düşünür ki, bu gün insanların süni intellekt çatbotundan gözlədikləri sadəcə hazır cavablar deyil. Texnologiya nəhənginə görə insanların rəqəmsal dosta ehtiyacları var. Google Bard məhz bunun üçündür. O, artıq sizin dərdlərinizi dinləyəcək və sizə insancasına yanaşacaq.
Bu problem bir çox süni intellektində hətta ChatGPT də mövcuddur. Biz ChatGPT süni intellekt alətini müəyyən dərəcədə şəxsi suallar verdikdə o bizi anlamır və fərqli sual verməyimizi xahiş edir. İndiyə qədər Google Bard süni intellektində də eyni vəziyyət mövcud idi. Lakin Google bu vəziyyəti dəyişəcək. Artıq Bard bizə daha səmimi və təbii məsləhətlər verəcək. Hətta Google bu yenilik üçün 100-dən çox mütəxəssisi bir araya gətirib və bu cür problemlərə ən yaxşı necə cavab verilə bilər onu araşdırır.
