Populyar süni intellekt əsaslı çatbot ChatGPT yeni xüsusiyyətlərlə inkişaf etməyə davam edir. Belə ki, OpenAI şirkətinin süni intellekt çatbotu ChatGPT artıq faylların yüklənməsini və təhlilini dəstəkləyir. Lakin bu xüsusiyyət yalnız ChatGPT Plus üzvləri üçün əlçatan olacaq. Bildiyimiz kimi, OpenAI süni intellekt çatbotunu daim təkmilləşdirir. Daha əvvəl GPT-3, GPT-3.5 və GPT-4 modelləri arasında keçid edən süni intellekt çatbotu artıq ən müasir xüsusiyyətlərə sahib olub. Məhz yeni xüsusiyyətlərdən biri də ChatGPT plus istifadəçilər üçün əlçatan olan beta mərhələsində olan faylların təhlili funksiyasıdır.
ChatGPT Plus üzvləri bildirir ki, artıq süni intellekt çatbotu faylların yüklənməsini və təhlilini mükəmməl səviyədə dəstəkləyir. Belə ki, istifadəçilər bu funksiyadan istifadə edəərk, fayllarının üzərində yeniliklər edə bilirlər. Qeyd edək ki, faylların yüklənməsi və təhlil üçün hazır olması normaldan biraz çox vaxt tələb edir. Bunun əsas səbəbi isə yeni funksiyanın beta mərhələsində olmasıdır. Faylın yüklənməsi başa çatdıqdan sonra isə çatbot məlumatları ümumiləşdirmək, suallara cavab vermək və yeniliklər etmək kimi bir çox funksiyanı yerinə yetirə bilir.
Maraqlısı budur ki, çatbotun yeni xüsusiyyəti yalnız mətn faylları ilə məhdudlaşmır. İstifadəçilərdən bəziləri süni intellekt əsaslı çatbota şəkl faylı əlavə edib. Bundan sonra isə o, ChatGPT-dən DALL-E 3 vasitəsilə yeni pixar üslubunda şəkil yaratmağı xahiş edib. Qeyd edək ki, Dall-E 3 inteqrasiyası ötən həftələrdə süni intellekt çatbotunun imkanları arasına əlavə edilmişdi. Məhz bu alət iilə istifadəçilər müxtəlif ssenarilər əsasında şəkillər hazırlada bilirlər.
