Microsoft şirkəti Activision Blizzard studiyasını satın aldıqdan sonra Xbox üçün də yeni qərarlar verib. Belə ki, Microsoft bundan sonra üçüncü tərəflərin hazırladığı və orijinal olmayan oyun konsollarını qadağan edəcək. Beləliklə gələn aydan etibarən Xbox konsollarında qeyri-rəsmi konsollardan istifadə etmək mümkün olmayacq. Şirkət artıq yeni qərar ilə bağlı xəbərdarlığı istifadəçilərinə göndərməyə də başlayıb. Görünən odur ki, Microsoft həddindən artıq çoxalan üçüncü tərəf oyun konsollarının qarşısını sərt bir şəkildə alacaq.
Qeyd edək ki, Microsoft 12 noyabr tarixindən etibarən Xbox-da lisenziyasız üçüncü tərəf oyun konsollarını qadağan edəcək. Bu tarix şirkətin istifadəçilərə göndərdiyi “0x82d60002” xəta kodlu xəbərdarlıq mesajında yer alır. Bundan əlavə şirkət istifadəçilərə bildirb ki, bu lisenziyasız oyun konsolları gələcəkdə çox böyük problemlərə yer aça bilər. Məhz bu problemlərin baş verməməsi üçün indidən sərt qərarın alındığı bildirilir. Eyni xəbərdarlıq bildirişində, həmçinin Microsoft-dan lisenziya almış cihazların siyahısını görə biləcəyiniz veb keçid də var. Bu keçid istifadəçiləri Xbox-ın öz mağazasına yönləndirir.
Ümumiyyətlə hazırda hazırda üçüncü tərəf Xbox aksesuarlarının əksəriyyəti simlidir. Həmçinin Microsoft-un Xbox Series X üçün “əlçatanlıq, kompüter və bulud oyunları” kimi müxtəlif kateqoriyaları əhatə edən lisenziyalı məhsullar istehsal etmək üçün 34-dən çox oyun markası ilə əməkdaşlıq etdiyi və bu baxımdan lisenziyasız məhsulların fəaliyyətini dayandırmaq istədiyi bildirilir. Qeyd edək ki, şirkətin indiyə qədər istehsal etdiyi orijinal oyun konsollarının adlarını buradan görə bilərsiniz.
