Texnologiya dünyasının ən inqilabi yenilklərindən biri olaraq dəyərləndirilən ChatGPT və ya süni intellekt çatbotları həddindən artıq su israf edir. Belə ki, ötən ilin noyabr ayında həyatımıza daxil olan ChatGPT süni intellekt çatbotunun hər 20 sorğu üçün yarım litr su istifadə etdiyi məlum olub. Aparılan araşdırmaya görə OpenAI şirkətinin süni intellekt çatbotu gün ərzində həddindən artıq suyu israf edir. Əslində süni intellekt çatbotları texniki tərəfdə çox uğurludur. Hətta artıq bütün sahələrdə süni intellekt əsaslı çatbotlar istifadə olunmağa başlayıb. Lakin süni intellekt çatbotlarının görünməyən tərəfi heç də ürək açan deyil.
Kaliforniya universitetinin tədqiqatçısı Shaolei Ren-in sözlərinə görə ChatGPT və bənzəri süni intellekt dil modelləri hər 20-50 sorğu və ya sual üçün nə az, nə çox yarım litr su istehlak edir. Bəziləri üçün bu çox az görünsə də, gündəlik milyonlarla insan tərəfindən istifadə olunduqda su israfı milyonlarla litrə də çata bilir. Xatırladaq ki, ötən ay süni intellekt çatbotunun aylıq ziyarətçi sayı 180.5 milyon idi. Təsəvvür edin ki, bu insanların hər biri ən azı 20 sorğu göndərir.
Ümumiyyətlə Microsoft şirkəti son dövrlərdə süni intellekt sahəsində etdiyi yeniliklər idi gündəmdə olsa da, su istehlakı heç də ürəkaçan deyil. Belə ki, texnologiya nəhəngi ötən il su istehlakını düz 34% artıraraq 6.4 milyard litrə çatdırmışdı. Hələlik bu problem üçün demək olar ki, həll yoxdur. Sadəcə bir çıxış yolu var ki, texnologiya nəhəngləri daha az enerji və daha az su istehlak edə bilər. Habelə gələcəkdə bu texnologiyaların enerji və su istehlakının azaldılması üçün müxətlif həllər tapılmalıdır. Çünki su insanlıq, planet və bəşəriyyət üçün ən dəyərli elementdir.
