Samsung brendi artıq bir neçə müddətdir ki, XR genişləndirilmiş reallıq eynəyi hazırlayır. Lakin hələlik bu eynək barədə məlumatlar insayderlər tərəfindən dəqiq olaraq bildirilmir. İndi isə yeni ortaya çıxan xəbərə görə məlum olub ki, Samsung XR eynəyi qoxu dəstəyi ilə inqilabi yenilik edə bilər. Artıq bazarda bir çox keyfiyyətli qarışıq reallıq eynəyi mövcuddur. Belə ki, Meta şirkəti tərəfindən gündəmə gətirilən bu eynəklər artıq Apple, HTC və hətta Samsung tərəfindən maraq görüb. Xatırladaq ki, Apple yeni Vision Pro eynəyini də ötən aylarda təqdim etmişdi. Hətta o gündən bəri demək olar ki, hərgün Samsung brendinin nə tərzdə qarışıq reallıq eynəyi hazırlayacağı hərkəsə maraqlı gəlirdi.
Samsung brendinin yeni hazırladığı XR eynəyi barədə artıq bir neçə məlumat ortaya çıxır. Belə ki, yeni Samsung XR eynəyinin qoxu dəstəyi ilə inqilabi yenilik edəcəyi gözlənilir. Hətta ötən ay yeni qarışıq reallıq eynəyinin prototip görüntüləri internetə sızdırılmışdı. RGB kamera və dərinlik sensorlarına sahib olan eynəyin üzərində daha bilinməyən bir çox sensor da mövcud idi. Revengus ləqəbli insayder indi iddia edir ki, Samsung XR eynəyi 3000 ppi piksel sıxlığına və yüksək təsvir ölçüsünə sahib olacaq. Habelə yeni eynək Apple Vision Pro kimi əl izləmə texnologiyası ilə də təchiz ediləcək. Maraqlısı budur ki, Samsung şirkətinin yeni qulaqlığına qoxu dəstəyi əlavə edəcəyi də gündəm mərkəzindədir.
Təbii ki, oyunlardan, videolardan qoxu almaq yalnız fantastik filmlərdə görünürdü. Lakin indi fantastik filmlərdə gördüyümüz daha bir səhnə reallaşa bilər. İstifadəçilər XR eynəyi ilə real mühitdə qoxuları aşkar edə biləcək. Lakin hələlik süni qoxu istehsal etmək hansı texnologiyadan istifadə ediləcəyi məlum deyil.
