Google şirkətinin hazırladığı Bardın android interfeysi məlum olub. Belə ki, Google şirkətinin böyük gözləntiləri olan süni intellekti artıq android smartfonları üçün də yeni interfeyslə birlikdə istifadəyə veriləcək. Ümumiyyətlə ötən ilin ən çox istifadə olunan texnologiyası hesab olunan süni intellekt dayanmadan inkişaf etməyə davam edir. Google tətbiqinin son versiyası APK-Insight tərəfindən araşdırılarkən Bard süni intellektinin istifadəçi interfeysi ortaya çıxıb.
Qeyd edək ki, Google Bard ilə yanaşı bu yaxınlarda təqdim etdiyi səhmlər və maliyyə üzrə bir çox alətlərini də dəyişir. Bundan əlavə Bard dəstəkli süni intellekt köməkçisi, android cihazlarda mövcud olan hazırkı virtual köməkçini də əvəzləyəcək. Lakin yenə də, istifadçilər güc düyməsini uzun müddət sıxaraq və ya Hey Google deyərək ənənəvi köməkçilərindən istifadə edə biləcəklər. Yeni Bard süni intellekt interfeysi isə Google axtarış tətbiqinin yuxarı hissəsində ayrıca olaraq yerləşdiriləcək. Həmçinin burada istifadəçilər süni intellekti həm aça, həm də bağlaya biləcək.
Bard AI 3 düymə ilə bizlərə təklif edilir. Belə ki, bu düymələr zəng etmək, səsli mesaj göndərmək və köməkçi ilə şəkil paylaşmaq üçün nəzərdə tutulur. Habelə Bard süni intellektinin parametrlərinin də yeniləndiyi iddia olunur. Deyəsən Google yalnız interfeysi deyil, texniki tərəfləri də müəyyən qədər yeniləyib. Bard süni intellekt hazırda əlçatan deyil, lakin yaxın müddətdə hərkəs üçün əlçatan olacaq.
