Yaxın günlərdə təqdim ediləcək Galaxy S24 seriyası, məhsuldar tənzimləmə, canlı tərcümə, süni intellekt dəstəkli divar kağızları və daha çoxu ilə mobil süni intellekti bir sonrakı səviyyəyə gətirəcək. Belə ki, Galaxy S24 seriyasında istifadə olunacaq Galaxy AI ilə bağlı yeni məlumatlar ortaya çıxıb və hərkəsin diqqətini cəlb edib. 17 yanvar tarixində təqdim edilməsi gözlənilən yeni flaqman smartfon inanılmaz səviyyədə çox süni intellekt funksiyasına sahib olacaq. Habelə Galaxy S24 seriyasının daha əvvəl AI phone olaraq adlandırılacağı da iddia edilmişdi.
Galaxy AI yeni flaqman smartfon üçün kamera, divar kağızı, tərcümə və digər bir çox tərəfdə dəstək olacaq və onu təkmilləşdirəcək. Habelə gecə çəkilişi adlı yeni funksiya ilə daha az işıqlı fotoşəkilləri süni intellekt ilə emal etmək mümkün olacaq. Məhsuldar tənzimləmə adı ilə təklif olunacaq bu funksiyalar əsasən şəkillərin daha da təkmilləşməsi üçün nəzərdə tutulub. Artıq selfie edərkən arxa plandakı istənməyən əşyaları və ya şəxsləri bir toxunuşla aradan qaldırmaq mümkün olacaq.
Bundan əlavə canlı tərcümə adlı yeni funksiya kamera, klaviatura və ya mesajlaşma tətbiqlərindən istifadə edərək smartfonunuzda canlı olaraq tərcümələr həyata keçirəcək. Yeni xüsusiyyət 103 dili peşəkar şəkildə çevirməyinizə kömək edəcək. Samsung süni intellektin buludda deyil, smartfonun özündə təhlükəsiz şəkildə işlədiyini də bildirib. Galaxy AI üçün ortaya çıxan digər yeniliklər isə süni intellekt ilə təkmilləşdirilmiş divar kağızları, klaviatura və AI çatbotdur. Artıq AI chatbot ilə restoranlar barədə məlumat əldə edə, rezerv edə və yeni səyahət planlaya biləcəksiniz.
