Google şirkətinin ChatGPT rəqibi olaraq təqdim etdiyi Bard çatbotu artıq yeni funksiyalar əldə edir. Belə ki, istifadəçilər artıq Bard çatbotu ilə Google tətbiq və xidmətlərində yeni funksiyalara sahib olub. Görünən odur ki, Google şirkət Bard istifadəçilərinin sayını artırmağa çalışır. Təqdim edilən yenilənmə ilə artıq istifadəçilər Google tətbiq və xidmətlərindən daha rahat istifadə edəcək. Bundan əlavə Bard çatbotu yenilənmə ilə daha ağıllı və yararlı olub.
Beləliklə Google şirkəti tərəfindən edilən yenilik ilə Bard çatbotundan istifadə edənlər artıq Google tətbiq və xidmətlərindən yəni, Gmail, Documents, Drive, Maps-dən daha rahat istifadə edəcək. Bundan əlavə süni intellekt çatbotunun sürəti də artıb. Google şirkəti bildirib ki, Bard süni intellekti hələlik sadəcə ingilis dilində olan Plaqinlər vasitəsi ilə Google xidmətlərinə çıxış əldə edəcək. Lakin gələcəkdə dil çeşidliyi də genişlənə bilər. Texnologiya nəhəngi bu dəfə istifadəçilərin təhlükəsizliyini də nəzərə alıb. Belə ki, istifadəçilər istədikləri an Bard çatbounun Google xidmətlərinə olan çıxışını dayandıra biləcək.
Ümumiyyətlə deyə bilərik ki, Bard süni intellekti körpü rolunu oynayacaq. İstifadəçilər artıq birbaşa olaraq Gmail və digər Google xidmətlərinə daxil olmaqdansa, Bard süni intellektinə müraciət edə biləcəklər. Bard çatbotu isə öz növbəsində istifadəçilərə bütün tətbiq və xidmətlər barədə lazımı məlumatı təmin edəcək. Analtiklərə görə süni intellekt çatbotu gələcəkdə daha da təkmilləşəcək və digər Google xidmətlərinə də çıxış imkanı əldə edəcək. Lakin bütün bunları edərkən Google istifadəçilərin təhlükəsizliyini daima göz önünə almalıdır.
