iPhone 15 ailəsi yeni USB-C portu ilə digər telefonları doldura bilər və digər telefonlardan da enerji doldura bilər. Məşhur texno-bloqer Marques Brownlee (MKBHD) tərəfindən göstərildiyi kimi, iPhone 15 modelləri, şarj səviyyəsindən asılı olmayaraq, həmişə şarjı kabel vasitəsilə qoşulmuş Lightning portu olan iPhone-lara ötürür. Başqa bir iPhone 15 seriyalı telefon iPhone 15-ə qoşulduqda yalnız enerji transferi hər iki cihaz arasında mümkün olur. Əks halda yalnız iPhone 15 seriyası digər iPhone modellərini şarj edə bilir. Lakin indi vəziyyət daha fərqlidir. Çünki, iddialara görə iPhone 15 seriyası Android smartfonları da şarj edə bilir.
Bəs Android telefonları? Burada ən böyük amil USB PD texnologiyasının varlığıdır. iPhone 15 seriyası USB-C portu olan Android telefona qoşulduqda, Android telefonda USB PD dəstəyi varsa və daha yüksək şarj səviyyəsinə sahibdirsə, o, enerji bankı kimi çıxış edir. Başqa sözlə, uyğun şərtlərdə enerji Android telefonlarından iPhone 15 modellərinə ötürülə bilər. USB PD dəstəyi olmayan telefonlarda proses şansa buraxılır. Marques Brownlee-nin sözlərinə görə, çox sayda USB PD dəstəyi olmayan Android telefonları, şarj səviyyəsindən asılı olmayaraq, qoşulduqda iPhone 15 modellərini doldurur və ya iPhone 15 modellərindən şarj alır. Bu məsələ ilə bağlı ümumi protokol olmadığına görə, infrastruktur hələlik o qədər də stabil işləmir.
Ümumiyyətlə Apple ötən günlərdə təqdim etdiyi yeni iPhone 15 seriyalı smartfonları ilə bizlərə bir çox yenilik təqdim etmişdi. Bunlardan ən böyüyü də məhz, USB-C şarj portuna sahib olması idi. Bundan əlavə Apple ilk dəfə olaraq iPhone modellərinin bir-birini şarj etməsinə imkan verib. Bu funksiya əvvəlcə yalnız iPhone modellərinə aid edilsə də, gün keçdikcə maraqlı detallar ortaya çıxır. Artıq məlum oldu bi, USB PD dəstəkli bütün smartfonlar iPhone 15 seriyası ilə enerji mübadiləsinə daxil ola biləcək.
