Yeni bir iddiaya görə, Apple iş masasında istifadə edilə bilən ev robotu hazırlayır. Belə ki, Apple tərəfindən hazırlanan bu ev robotu həm də süni intellekt xüsusiyyətlərinə sahib olacaq. Görünən odur ki, Apple indi daha bir yeniliyə imza atmaq niyyətindədir.
Apple-ın keçən ay elan etdiyi süni intellekt xüsusiyyətləri əvvəlcə iPhone, iPad və Mac üçün eksklüziv olacaqdı. Bununla belə, onların gələcəkdə digər Apple cihazlarına, o cümlədən ev məhsullarına da gəlməsi gözlənilirdi. Əslində, bir neçə gün əvvəl ortaya çıxan iddialar şirkətin ekranlı HomePod-a bənzər, bu xüsusiyyətləri ehtiva edə biləcək yeni bir ev məhsulu planlaşdırdığını irəli sümüşdü. Bloomberg-dən olan Mark Gurman isə şirkətin həqiqətən də yeni ev məhsulu hazırladığını bildirib. Ancaq bu cihazın əvvəlki iddialardan bir az fərqli olacağı düşünülür.
Gurman bildirir ki, Apple şirkətinin süni intellekt xüsusiyyətləri ilə təchiz edəcəyi ilk ev məhsulu daha əvvəl görmədiyimiz yepyeni bir məhsul olacaq. Müvafiq olaraq, şirkət masa üstündə istifadə edilə bilən robot hazırlayır. Əslində aylar əvvəl Gurmanın paylaşdığı iddialarda Apple-ın növbəti böyük məhsulunun “şəxsi ev robotları” olacağı ifadə edilmişdi. Hazırkı hesabatda bu məhsulun masa üstündə istifadə oluna bilən və süni intellektə malik bir robot olacağı göstərilib. Robotun nə vaxt debüt edəcəyi hazırda məlum olmasa da, onun artıq ilkin mərhələdə olduğunu deyə bilərik. Yəni Apple robotu üçün hələ bir neçə il gözləməli olacağıq.
