Çin alimləri tərəfindən hazırlanan yeni ucuz qiymətli qatı halda olan batareyalar elektrikli avtomobil sənayesində yeni dövr aça bilər. Tədqiqatçılar həmkarları ilə müqayisədə xərcləri 90 faiz azaltdıqlarını söyləyirlər. Ümumiyyətlə, qatı halda olan batareyaların yayılması və geniş miqyasda mənimsənilməsi üçün ən böyük maneələrdən biri məhz onların qiyməti hesab olunur. Bununla belə, Çin alimləri tərəfindən hazırlanmış yeni ucuz qiymətli qatı halda olan batareyalar elektrikli avtomobil sənayesində əhəmiyyətli inkişafa səbəb ola bilər.
![Qatı halda olan batareyalar](https://tedroid.com/media/2024/07/qati-halda-batareyalar-xercler-azaldilib-1.webp)
Hesabatlara görə, yeni dizaynla qatı halda olan batareyalar üçün xərclər 90% azaldılıb. Performans səviyyəsi isə digər qatı hal litium batareyaları ilə eyni səviyyədə qalmağa davam edir. Ənənəvi litium batareyaların maye elektrolitinin qatı halda olan alternativi ilə əvəz edilməsi daha sürətli doldurma müddəti, daha yaxşı performans və təkmilləşdirilmiş təhlükəsizlik standartları vəd edir. Lakin qatı hal alternativlərinin geniş miqyasda istifadəsi yüksək material və istehsal xərcləri səbəbindən hələ də istənilən səviyyəyə çatmamışdır.
![Qatı halda olan batareyalar](https://tedroid.com/media/2024/07/qati-halda-batareyalar-xercler-azaldilib.webp)
Bu çərçivədə, Çin Elm və Texnologiya Universitetinin (USTC) tədqiqatçıları kommersiya tətbiqləri üçün böyük vəd verə biləcək bir qatı elektrolit növü inkişaf etdirdilər. Dünyanın aparıcı kimya jurnallarından biri olan Angewandte Chemie tərəfindən nəşr olunan araşdırmada qatı hal batareyalarında bahalı Litium kükürd (Li2S) ehtiyacı aradan qaldırılıb. Qatı halda olan batareyalar enerji sıxlığını artırmaq üçün oksid və ya kükürddən katod kimi istifadə edir. Üstün performanslarına görə, sulfidlər ümumiyyətlə bütün qatı halda olan batareyaların gələcək praktiki istifadəsi üçün ən perspektivli variant hesab olunur, lakin yüksək xərclər əsas maneədir.
Çinli tədqiqatçılar xammal kimi litium sulfid tələb etməyən LPSO adlı yeni kükürdlü qatı elektrolit hazırladıqlarını açıqlayıblar. LPSO iki aşağı qiymətli birləşmədən sintez olunur, komponent dəyəri hər kiloqram üçün cəmi 14 dollardır. Hansı ki, digər sulfidli bərk elektrolitlərin xammal dəyərinin yüzdə 8-dən azdır. O, həmçinin performans və enerji sıxlığı baxımından digər bahalı alternativlərə uyğun gəlir. Tədqiqatçılar həmçinin performansda daha da təkmilləşmələrə nail olmaq üçün araşdırmaları davam etdirirlər.