Apple ötən günlərdə yeni iOS 17 interfeysi ilə birlikdə flaqmaq iPhone 15 seriyasını təqdim etmişdi. Lakin bir çox istifadəçi iOS 17 ilə birlikdə şirkətin süni intellekt sahəsində yeni addımlar atacağını düşünürdü. Maraqlısı budur ki, Apple iOS 17 ilə bizlərə sadəcə bəzi dizayn yenilikləri təqdim etdi. O cümlədən artıq smartfonlarınızı və ya saatlarınızı bir-birinə yaxınlaşdırmaqla əlaqə məlumatlarınızı paylaşa bilirsiniz. İstifadəçilərin Apple şirkətindən gözlədiyi yeniliklər isə tamamilə fərqli idi. Yeni iddialara görə isə, dünyanın ən böyük texnologiya şirkətlərindən biri olan Apple, iOS 18 ilə süni intellekt barəsində mühüm addımlar ata bilər.
Apple şirkətinin baş direktoru Tim Cook keçən həftə bildirib ki, Apple Böyük Britaniyada süni intellekt üzərində işləmək üçün daha çox işçi işə götürmək istəyir. Apple-ın məhsuldar süni intellekt texnologiyası üzərində aktiv şəkildə çalışdığını ifadə edən Cook, artıq süni intellektdən faydalandıqlarını da qeyd edib. Bu gün isə analitik Jeff Pu da bu mövzuda danışıb. Onun sözlərinə görə Apple gələn il sonunda təqdim edəcəyi iOS 18 ilə böyük məhsuldar süni intellekt barədə addımlar atacaq. Hətta o bildirib ki, şirkət bu il gələn il atacağı addımlar üçün müəyyən hazırlıqlar da görüb.
Qeyd edək ki, Apple artıq öz süni intellekt sistemi üzərində sınaqlara da başlayıb. Belə ki, ötən aylarda texnologiya nəhənginin AppleGPT ilə bağlı sınaqlara başladığı ortaya çıxmışdı. Yaxında isə şirkət iOS 18 ilə bütün cihazlarında süni intellekt sistemlərindən istifadə etmək istəyir. Hətta şirkət Siri və Shortcuts arasında süni intellekt ilə effektiv əlaqə qurmağı planlayır.
