Oppo şirkəti ötən gün Çində Find N3 qatlana bilən smartfonunu təqdim etməyin ardınca, qlobal bazarda da eyni cihazın təkrar brendləşdirilmiş variantı kimi OnePlus Open modeli debüt etdi. Beləliklə, OnePlus tarixində ilk dəfə Oppo markalı bir cihaz OnePlus kimi rebrendinq oldu. Digər bir tərəfdən OnePlus seriyası da öz məhsulları arasına birinci qatlanan modelini əlavə etdi.
Daha əvvəl sizlərə Oppo flaqmanlarının OnePlus brendi altında qlobal bazara gələ biləcəyini. Oppo markasının isə Çin üçün kiçilə biləcəyini söyləmişdik. İddialar isə bunun doğru olduğunu göstərir. Smartfon dizayn baxımından sektorun ən erqonomik və premium qatlanan smartfonu kimi çıxış edir. Siz bunu, rahatlıqla cihazın görüntülərənə baxarkən də anlaya bilərsiniz. Çünki, qatlanmış vəziyyətdə kəskin kənarlı, minimal qalınlıqlı və ara boşluğu buraxmayan gövdəsi minimal və simmetrik ekran çərçivəsinə malik ekranla sizi qarşılayır. Üstəlik aspekt ölçüsü də normal cihazlarla bənzər en və uzunluqda olan OnePlus Open modeli 6.31 düym ilə xeyli kompaktdır.
OnePlus Open modeli 7.82 düymlük 2K flexi-fluid AMOLED təcrübəsi təqdim edir. 120Hz görüntü yeniləmə sürəti ilə bazarda bir qatlanan smartfonda görə biləcəyiniz ən yüksək keyfiyyətli ekran panellərindən birini işlədir, lakin bunun səbəbi biraz fərqlidir. Xarici 6,31 düymlük 2K AMOLED ekranı isə Oppo Ceramic Guard texnologiyası ilə Croning Gorilla Glass Victus-dan 20% daha artıq zərbələrə qarşı qorunur. Qeyd etdiyimiz fərqli səbəb isə hər iki ekranın LTPO 3.0 texnologiyasına malik olması və ən parlaq şəraitdə belə müstəsna aydınlıq üçün göz qamaşdıran 2800 nit-lik pik həddə çatmasıdır. Bu isə sektorda olduqca güclü üstünlükdür.
OnePlus Open modeli Qualcomm Snapdragon 8 Gen 2 çipseti ilə təchiz edilib və üstün performans təklif edir. Lakin smartfonun insayderlərə görə təqribi 2 ay gec çıxarılması bir təəssüfləndirən hal yaradıb. Snapdragon 8 Gen 3 növbəti həftə təqdim olunacqkən, Oppo Find N3 əsaslı OnePlus qatlanan smartfonu ötən ilki çipsetlə geri qalıb. 16 GB LPDDR5X RAM və geniş 512 GB UFS 4.0 yaddaşı ilə birlikdə bu cihaz çox tapşırıqlı və resurs tutumlu proqramları asanlıqla idarə edə bilər.
OnePlus Open, ən yen nəsil kamera konfiqurasiyalarından birinə malikdir. Belə ki, Sony brendinin LYTIA sensorlarından biri məhz bu cihazda istifadə olunub. Əsas kameramızın daxilində 1/1.43 düymlük 48MP LYT-808 sensoru işlədilib və OIS dəstəyi ilə gücləndirilib. 48MP IMX581 ultra geniş və yenə OIS dəstəkli 64MP OV64B telefoto obyektivindən ibarət birləşmə əla foto və video keyfiyyəti vəd edir. Selfi həvəskarları üçün 20MP daxili ekran və 32MP xarici selfi kameraları da quraşdırılıb.
Qatlana bilən bu cihaz 67 Vatt doldurma dəstəyi ilə 4,805 mAs batareyadan enerji alır. OnePlus bildirir ki, 1%-dən 100%-ə qədər doldurmaq 42 dəqiqə vaxtınızı alacaq. Görkəmli və yüngüldür cihazın Emerald Dusk modelinin çəkisi 245 q, Voyager Black modelinin çəkisi isə 239 qramdır. Bu da onu uyğun halda iPhone Plus 15 Pro Max modelindən yüngül edir. OPPO şirkəti bu cihaz üçün 1 milyon dəfə qatlama zəmanəti verir. Smartfonun 16-512GB yaddaşa sahib variantı avropada 1799 avrodan satışa çıxarılacaq.
