Süni intellektin imkanları hər ötən gün inkişaf etməyə davam edir. Belə ki, indi Adobe süni intellekt ilə musiqi hazırlamağa imkan verəcək yeni bir sistem təqdim edir. Artıq sadəcə bir neçə söz yazmaqla süni intellektin bizə musiqi bəstələməsi mümkün olacaq. Ümumiyyətlə Adobe şikrəti son dövrlərdə süni intellekt tərəfində bir çox yeniliklər ilə qarşımıza çıxıb. Bunlardan ən sonuncusu da elə yeni təqdim etdiyi musiqi bəstələyən süni intellektdir.
Beləliklə, Adobe yeni generativ süni intellekt sistemi ilə insanların sadəcə bir neçə söz yazmaqlar musiqi yaratmasına yol açır. Qeyd edək ki, sadəcə bir neçə söz yazaram şəkil və video yaradan sistemlərə bənzəyən bu infrastruktur şirkət daxilində “Project Music GenAI Control” olaraq adlandırılır. Hələ ictimaiyyətə təqdim olunmayan sistem istehsal edilən musiqiyə dərindən nəzarət və redaktə edilməsini təmin edir, həmçinin mahnının uzunluğunu istədiyiniz kimi dəyişməyə imkan verir.
Adobe həmçinin deyir ki, hazırlanmış alət yaradılmış musiqini müxtəlif melodiyaya da uyğunlaşdıra bilər. Qeyd edək ki, Photoshop-un musiqi versiyası olaraq təsvir edilən və “musiqi üçün bir növ piksel səviyyəli nəzarət təklif edən” Project Music GenAI, Kaliforniya Universiteti və Carnegi Mellon Universiteti Kompüter Elmləri Məktəbi ilə əməkdaşlığında hazırlanır. Hələlik ilkin mərhələdə olduğu bildirilən sistemin, böyük ehtimalla ilin sonuna qədər beta versiyada istifadəyə veriləcəyi bildirilir.
Bundan əvvəl şirkət Acrobat-da süni intellekt yeniləməsi etmişdi. Xatırladaq ki, yeni dizayn edilmiş köməkçi açılmış sənədləri ümumiləşdirə, sənədlə bağlı suallara cavab verə və məzmundan asılı olaraq müxtəlif zənginləşdirmə/ üzəliş təklifləri verə bilirdi. Hazırda “beta” olaraq təqdim edilən köməkçi Acrobat-ın dəstəklədiyi istənilən formatda işləyə bilir.
