Qlobal texnologiya nəhəngi olan HONOR MWC2024 tədbiri çərçivəsində yeni süni intellekt əsaslı noutbuku MagicBook Pro 16 modelini təqdim edib. HONOR-un süni intellekt imkanlarına və Microsoft, Intel və NVIDIA kimi texnoloji tərəfdaşlarla birgə səylərinə əsaslanan yeni noutbuku süni intellekt tərəfində inqilabi yeniliklər təklif edir. Belə ki, yeni noutbuk istifadəçilərə misilsiz süni intellekt təcrübəsi və məlumat bazası təqdim edir. Şirkətin CEO-su George Zhao bildirir ki, “HONOR olaraq bizim öhdəliyimiz, inkişaf edən ekosistemi daha da inkişaf etdirmək üçün sənaye tərəfdaşları ilə açıq əməkdaşlığı mənimsəməkdir. Xüsusilə süni intellekt dövründə, əməkdalığa əsaslı sinerjinin dəyişdirici gücünə inanırıq. Ən yaxşı sənaye oyunçularının kollektiv təcrübəsindən istifadə edərək, biz müstəsna məhsullar istehsal etmək və dünya miqyasında istehlakçılara misilsiz təcrübələr təqdim etmək öhdəliyini öz üzərimizə götürmüşük”.
Qeyd edək ki, Microsoft ilə əməkdaşlıq çərçivəsində HONOR MagicBook Pro 16 real vaxtda resursların optimallaşdırılmasını, çoxlu cihaz bağlantısını və bir sıra süni intellekt xüsusiyyətlərini təklif edir. Microsoft şirkətinin səlahiyyətli şəxslərindən biri olan Mark Linton bildirir ki, “Sürətlə inkişaf edən texnologiya dünyasında HONOR kimi tərəfdaşlarla əməkdaşlıq bizə qlobal miqyasda inqilab etməyə imkan verir. Süni intellekt buludda, cihazlarda və gündəlik tətbiqlərdə görünməmiş imkanlara yol açır. HONOR-un MagicBook Pro 16 modelinin təqdim edilməsi ilə, Windows və Azure danışıq xidmətlərinin gücünü müştərilərə çatdıraraq, biz fərdlərə və təşkilatlara daha çox nailiyyətlər əldə etmək üçün birlikdə yeni süni intellekt potensialı nümayiş etdiririk”.
Bundan əlavə olaraq, Intel ilə uzunmüddətli əməkdaşlı çərçivəsində HONOR, üstün istifadəçi təcrübəsinə sahib cihazlar təqdim etmək üçün yeni Intel Core Ultra prosessorlarının üstünlüklərindən yararlanır. Tədbirdə Intel brendinin Müştəri məlumat hesablamaları üzrə vitse-prezidenti və Müştəri seqmentləri üzrə baş meneceri David Feng bildirib ki, “Qabaqcıl performans və enerji səmərəliliyinə sahib Intel Core Ultra prosessoru, CPU, GPU və yeni NPU daxil olmaqla 3 süni intellekt mühərriki ilə süni intellekt kompüteri dövrünü başladır. HONOR ilə birlikdə, sistem dizaynında sərhədləri yüksəltməyə davam edərkən yaradıcılıqdan məzmun hazırlanmasına və oyun oynamağa qədər sonsuz sayda süni intellekt təcrübəsinin kilidini açırıq”.
Hər ssenari üçün qüsursuz və süni intellekt dəstəkli cihazlar arası əməkdaşlıq
Platforma səviyyəli süni intellektin gücü ilə, HONOR istifadəçiləri artıq cihazlarını fərqli platformalar arasında sadə və zəhmətsiz şəkildə bağlaya bilir. Bu yeniliyin nümunəvi xüsusiyyəti isə HONOR-un bir pəncərəni Android smartfondan Windows kompüterə və ya əksinə sadələşdirə bilməsidir. Bu proses əvvəllər həyata keçirildikdə isə digər cihazlarda bir neçə addım tələb edilirdi. İndi isə arxa planda işləyən süni intellekt sayəsində istifadəçilər artıq bir sürüşdürmə ilə bu işi yerinə yetirmək mümkündür. Məsələn, mesajlaşma tətbiqləri kimi pəncərələri HONOR smartfonlarından kompüterlərə problemsiz şəkildə köçürə və bütün cihazlarda fasiləsiz iş axını təmin edə bilmək mümkündür. HONOR-un müstəsna cihazlar arası əməkdaşlığı onu bu səviyyədə səmərəlilik və rahatlıq təqdim edə bilən yeganə sistem olaraq da önə çıxarır.
HONOR-un MagicOS 8.0 sistemi insanların cihazlarla qarşılıqlı əlaqəsini dəyişdirmək üçün qabaqcıl süni intellekt imkanlarından istifadə edərək ekosistem daxilində qüsursuz əməkdaşlıq və əlaqə yaratmağa imkan verir. Noutbukun mərkəzdə yer aldığı MagicRing, fərqli cihazlar arasında tapşırıqların və bildirişlərin sinxronlaşdırılmasını və birlikdə işləməsini təmin edərək rahatlıq və əlçatanlığı birləşdirən qüsursuz təcrübə təqdim edir. MagicRing audio/video, fayllar və mesajlar daxil olmaqla birdən çox funksiyanı eyni anda idarə edə bilər, həmçinin istifadəçilər Qoşulmuş Ekran, Qoşulmuş Daxiletmə, Qoşulmuş Fayl, Qoşulmuş Zəng, Qoşulmuş Bildiriş, Qoşulmuş Kamera və Qoşulmuş Proqram daxil olmaqla 8 ədədə qədər bir-birinə bağlı xüsusiyyəti fasiləsiz istifadə edə bilər. Bu süni intellekt kompüter eyni zamanda HONOR Qlobal Sevimlilər Zonası, HONOR Cihaz Klonlaması və HONOR Paylaşımı kimi ağıllı funksiyaları özündə birləşdirərək, HONOR-un platforma səviyyəli süni intellekt imkanlarından istifadə etməklə cihazın bütün potensialını ortaya çıxarır.
İstifadəçinin kompüter təcrübəsini AI ilə yenidən müəyyənləşdirməsi
HONOR MagicBook Pro 16 Ağıllı Şəkil Axtarışı, Ağıllı Sənəd Xülasəsi, Mətnin müəyyənləşdirilməsi, AI altyazı və sehrli mətn kimi funksiyalarla məhsuldarlığı inanılmaz səviyyəyə daşıyır. Xüsusilə şəkillərin axtarışı və ya yenidən təsvir edilməsi, o cümlədən faylların sinxronlaşdırılması kimi mövzularda HONOR MagicBook Pro 16 yeni süni intellekt imkanı təklif edir.
HONOR MagicBook 16 Pro üstün hesablama gücünü təmin etmək üçün altı performans nüvəsi, səkkiz səmərəli nüvə və iki aşağı enerji səmərəliliyi nüvəsi ilə təchiz edilmiş Intel Core Ultra 7 155H prosessoru tərəfindən dəstəklənir. Xüsusi NVIDIA GeForce RTX 4060 qrafik kartı ilə HONOR MagicBook 16 Pro heyrətamiz vizual görüntülər yaradaraq, misilsiz performans və qüsursuz çoxşaxəli imkanlar təqdim edir. Davamlılığı daha da artıran HONOR MagicBook Pro 16, istifadəçilərin 140W Yüksək Performans Rejimini asanlıqla aktivləşdirməyə imkan verən, gecikmələri minimuma endirərək və üstün qrafik keyfiyyətini təmin etməklə yanaşı, prosessorlarının tam gücünü işə salan süni intellekt əsası OS Turbo X-ə sahibdir. Bundan əlavə HONOR MagicBook 16 Pro müxtəlif istifadə ssenarilərini ağıllı şəkildə tanımağa və performansı optimallaşdırmaq üçün dinamik uyğunlaşmaya imkan verən ağıllı planlaşdırma və tənzimləmə xüsusiyyətlərinə malikdir.
Həmçinin HONOR MagicBook Pro 16 şəbəkə imkanlarında da üstün performansa malikdir. Belə ki, onun unikal üç antenli strukturu, güclü və etibarlı əlaqəni təmin edir. İstifadəçilər 360° əhatə dairəsi və siqnal gücünün əhəmiyyətli dərəcədə artması ilə sürətləndirilmiş yükləmələr, fasiləsiz video konfranslar və stabil oyun kimi fasiləsiz onlayn təcrübələrdən həzz ala bilərlər.
Əla Vizual-Audio Təcrübəsi
16 düymlük HONOR FullView Ekranı ilə təchiz edilmiş HONOR MagicBook Pro 16 istifadəçilərə 3072 x 1920 təsvir ölçüsü, 100% DCI-P3 və 100% sRGB geniş rəng gamut dəstəyi ilə heyrətamiz rəng dəqiqliyi və canlılıq təmin etməklə fərqli vizual təcrübə təqdim edir. Noutbuk həmçinin 165Hz-ə qədər yeniləmə tezliyi sayəsində ultra həssas və hamar oyun təcrübəsi təmin edir. Bundan əlavə, HONOR MagicBook Pro 16 həm TÜV Rheinland Low Blue Light, həm də TÜV Rheinland Flicker-Free Sertifikatını almışdır. Bundan əlavə noutbuk Dynamic Dimming və E-book Mode kimi müxtəlif funksiyalara da sahibdir.
MagicBook Pro 16, səs səhnəsinin enini, dərinliyini və hündürlüyünü effektiv şəkildə artırmaq üçün ən son audio texnologiyasına sahib 6 dinamik ilə gəlir. Eyni zamanda, yeni noutbuk Windows əsaslı kompüterdə dünyanın ilk məkan audio noutbukudur və xüsusilə oyun və videolara baxarkən daha təsirli təcrübə təmin edəcək.
Yeni noutbukun ən əhəmiyyətli xüsusiyyətlərindən biri də məhz dizaynıdır. Belə ki, 3D Tinting Spray Technology metalik dizaynı ilə yeni HONOR MagicBook Pro 16, zəriflik və incəliyin əsl nümunəsi kimi seçilir. Onun qalınlığı cəmi 17,9 mm, çəkisi isə cəmi 1,79 kq-dır. Yeni noutbuk, qabaqcıl dizaynı, müstəsna performans ilə birləşdirərək yüksək performanslı noutbuklarda tamamilə yeni standart müəyyən edir. Onu da qeyd edək ki, Windows 11 əsaslı HONOR MagicBook Pro 16 iki rəng variantında mövcuddur: Ağ və Bənövşəyi. Həmçinin yeni noutbuk ilk olaraq Çində satışa çıxarılacaq və onun qlobal bazarda 2-c rübdə satışa çıxarılması gözlənilir.
