Adobe Photoshop-a gətirdiyi məhsuldar süni intellekt xüsusiyyəti ilə fotoşəkillərdəki boşluqları və olmayan hissələri doldurmaqda fərqli bir səviyyədə çıxış edir. Belə ki, Photoshop beta versiyasına bu istiqamətdə yenə maraqlı yeniliklər əlavə olunub. Bu xüsusiyyət “Generative Expand” adı altında daha da təkmilləşdirilib. Photoshop indi kəsilmiş şəkli istənilən ölçüyə sadəcə 1 ədəd komanda ilə böyüdə bilən xüsusiyyət əldə edib.
Hal-hazırda təkmilləşmə mərhələsində olan “Generative Expand” funksiyası istifadəçiyə kəsmə alətindən istifadə edərək şəkli genişləndirməyə və ölçüsünü dəyişməyə imkan verir. Generate düyməsini kliklədikdən sonra süni intellektin yaratdığı görüntü ilə olmayan boşluq rahatlıqla doldurulur. Bu funksiyanın işləməsi üçün çeşidli mətn sorğusu daxil etmək lazım deyil. Yaradılan şəkil Photoshop-da yeni təbəqə kimi şəkili tamamlayan arxa plan rolu oynayır.
Adobe həmçinin məhsuldar süni intellektin başa düşə biləcəyi dilləri genişləndirib. Süni intellekt hazırda 100-dən çox dildə işləyir. Generative Expand və digər dillərdə mətn sorğusu daxil edilməsi Photoshop beta-nın ən son versiyasında mövcuddur. Adobe bu payızda daha da məhsuldar AI xüsusiyyətləri əlavə edəcək.
