Qulacomm şirkətinin yeni Snapdragon 8 Gen 3 flaqman çipseti Geekbench və AnTuTu platformalarında test olunub. Geekbench və AnTuTu platformalarında həyata keçirilən testin Xiaomi smartfonuna məxsus olduğu iddia edilir. Qeyd edək ki, test nəticəsi doğrudursa, rahatlıqla deyə bilərik ki, Qualcomm nəhayət Apple A16 Bionic çipsetini ötəcək. Hazırda bir çox flaqman smartfon Snapdragon 8 Gen 2 çipseti ilə təchiz edilb və performans baxımından çox güclü nəticə göstərirlər.
Snapdragon 8 Gen 3 çipseti Geekbench və AnTuTu platformalarında necə perfomans göstərib?
Qeyd edək ki, Qulacomm-un yeni flaqman çipseti Geekbench platformasının tək nüvəli testində 2563 xal toplayıb. Bu göstərici bir çox orta səviyyəli çox nüvəli prosessordan daha yüksəkdir. Çox nüvəli testdə isə çipset 7256 xal toplaya bilib. Digər məhşur platforma olan AnTuTu da isə Snapdragon 8 Gen 3 çipseti CPU üçün 331292 xal, GPU üçün 853.295 xal toplayıb. Yekunda isə çipset 1712271 ümumi xal toplayıb. Bununla da 2.000.000 bala yaxınlaşan ilk nəticə məhz bu prosessora aid oldu. Qeyd edək ki, yeni çipsetin 4 ədəd Cortex-A720 nüvəsi, iki ədəd Cortex-A520 nüvəsi və əsas yüksək performanslı iki ədəd Cortex-X4 nüvəsi ilə təchiz edilidiyi məlum olmuşdu.
Əgər nəticələr doğru olarsa yeni flaqman çipseti Apple A16 Bionic çipsetini də ötə bilər. Lakin A17 Bionic ilə ciddi rəqabət aparmalıdır. Belə ki, A17 Bionic GeekBench platformasında sızdırılan sınaqlar zamanı 3.019/7.860 xal toplamışdı. Lakin yeni çipsetin nəticəsi ondan daha aşağıdır. Lakin yeni 8 Gen 3 çipsetinin güc baxımından kompüterlər ilə rəqabət apara biləcəyi sirr deyil. Hətta yeni çipset smartfon sahəsində yeni eranın başlanğıcını qura bilər.
