Samsung Android 17 əsaslı One UI 9.0 yeniləməsini təqdim etməyə hazırlaşır. Yeni məlumatlara görə, yenilənmiş istifadəçi interfeysi yaxın günlərdə rəsmi olaraq nümayiş etdiriləcək və ilk olaraq şirkətin yeni qatlana bilən smartfonlarında istifadəyə veriləcək.
One UI 9.0 nə vaxt təqdim olunacaq?
Məlumata görə, Samsung 22 iyul 2026-cı il tarixində keçiriləcək Galaxy Unpacked tədbirində One UI 9.0-ı təqdim edəcək.
Yeni interfeys ilk olaraq Galaxy Z Fold8 və Galaxy Z Flip8 modellərində istifadəyə veriləcək. Stabil versiyanın isə sentyabr ayından etibarən köhnə Galaxy cihazlarına mərhələli şəkildə göndərilməsi gözlənilir.
Hazırda beta proqramı yalnız Galaxy S26 seriyası üçün əlçatandır. Yaxın həftələrdə proqramın digər Galaxy modellərinə də açılması planlaşdırılır.
One UI 9.0 hansı yenilikləri gətirəcək?
Samsung bu dəfə dizaynda böyük dəyişikliklər etməyəcək və əsas diqqəti funksionallığa yönəldəcək.
Yeni versiyada:
- parlaqlıq və səs tənzimləmə sürgüləri yenilənəcək;
- kilid ekranındakı media pleyeri və sürətli ayarlar bölməsi daha çevik fərdiləşdirilə biləcək;
- albom qapaqlarına uyğun yeni animasiyalar əlavə olunacaq;
- Liquid Glass vizual effektləri genişləndiriləcək.
Galaxy AI daha da inkişaf edir
One UI 9.0 ilə birlikdə Creative Studio funksiyası birbaşa sistemə inteqrasiya ediləcək. İstifadəçilər əlavə tətbiq açmadan profil kartları yarada biləcəklər.
Bundan əlavə:
- Good Lock Home Up çoxbarmaqlı jestləri dəstəkləyəcək;
- jestlərə fərdi funksiyalar təyin etmək mümkün olacaq;
- Samsung Browser tətbiqinə süni intellekt əsaslı Ask AI funksiyası əlavə ediləcək və istifadəçilər açıq veb səhifələrlə bağlı suallarını birbaşa brauzer üzərindən verə biləcəklər.
Android 17 yenilikləri də təqdim olunacaq
One UI 9.0 Android 17-nin yeni imkanlarını da özündə birləşdirəcək.
Bunlara:
- bütün tətbiqlər üçün “bubble” (üzən pəncərə) dəstəyi;
- tətbiqlərə bütün kontaktlar əvəzinə yalnız seçilmiş şəxslərə giriş icazəsi vermək imkanı;
- müxtəlif ekran ölçüləri üçün daha yaxşı optimallaşdırma daxildir.
One UI 9.0-ı dəstməkləməsi gözlənilən cihazlar
Samsung hələlik rəsmi siyahını açıqlamasa da, mövcud yeniləmə siyasətinə əsasən aşağıdakı modellərin One UI 9.0 yeniləməsini alacağı gözlənilir:
Galaxy S seriyası
- Galaxy S26, S26+, S26 Ultra
- Galaxy S25, S25+, S25 Ultra, S25 Edge, S25 FE
- Galaxy S24, S24+, S24 Ultra, S24 FE
- Galaxy S23, S23+, S23 Ultra, S23 FE
Galaxy Z seriyası
- Galaxy Z TriFold
- Galaxy Z Fold8, Z Fold7, Z Fold Special Edition
- Galaxy Z Flip8, Z Flip7, Z Flip7 FE
- Galaxy Z Fold6, Z Flip6
- Galaxy Z Fold5, Z Flip5
Galaxy A seriyası
- Galaxy A57, A56, A55, A54
- Galaxy A37, A36, A35, A34
- Galaxy A27, A26, A25, A24
- Galaxy A17, A16, A15 (4G və 5G)
- Galaxy A07 (4G/5G) və A06 5G
Galaxy M, F, Tab və XCover seriyaları
- Galaxy M56, M55, M54, M47, M36, M35, M34, M17, M16, M15, M07 və M06
- Galaxy F70e, F56, F55, F54, F36, F34, F17, F16, F15, F07 və F06
- Galaxy Tab S11, Tab S10, Tab S9 və Tab S9 FE seriyaları
- Galaxy Tab S6 Lite (2024), Tab A11 və Tab Active 5 seriyaları
- Galaxy XCover 7 və XCover 7 Pro
Qeyd edək ki, bu siyahı hələ rəsmi deyil və Samsung təqdimat zamanı yenilənmiş dəstəklənən cihazların tam siyahısını açıqlaya bilər.
vidIQ
