Smartfon bazarının liderlərindən olan Samsung ən yeni flaqman smartfonları üçün Android 14 Beta yenilənməsini buraxacaq. Belə ki, texnologiya nəhənginin Galaxy S23 seriyası üçün yaxında One UI 6.0 beta versiyası da buraxılacaq. Yəni Galaxy S23, Galaxy S23 Plus, Galaxy S23 Ultra modelləri yaxında Android 14 əsaslı One UI 6.0 yenilənməsinin ilk beta versiyasını alacaq. Lakin bu yenilənmə sadəcə bir neçə ölkə ilə məhdudlaşdırılacaq. Yeni məlumatı şirkətin rəsmi səhifəsində də görmək mümkündür. Burada One UI Beta Program bölməsində S23, S23+ və S23 Ultra modellərinin adını görə bilərik.

Ümumiyyətlə Android 14 əsaslı One UI 6.0 uzunmüddətdir gözlənilirdi. Artıq Samsung ilk Android 14 Beta versiyasını təqdim edəcəyi ilə bağlı xəbər verib. Yenilənmə ilk mərhələdə Hindistan, Almaniya, Polşa, Cənubi Koreya, İngiltərə və Amerikadakı istifadəçilərə əlçatan olacaq. Bundan əlavə texnologiya nəhəngi Galaxy S23 seriyasını ilk beta versiyanın təqdim etdikdən sadəcə bir neçə gün sonra Galaxy S22, Galaxy Z Flip 4, Z Flip 5 və Galaxy Z Fold 4, Fold 5 modelləri daxil olmaq digər modellər üçün də təqdim ediləcək.

Qeyd edək ki, One UI 6.0 yenilənməsi ilə daha yaxşı şrift, qatlanan smartfonlar üçün yeni xüsusiyyətlər, proqnozlaşdırıcı və digər məxfilik funksiyaları istifadəçilərə təqdim ediləcək. Lakin bu yenilənmə həlik beta versiyasında olacaq. Yəni istifadəçilər bir çox problemlər ilə qarşılaşa bilər. Həmin problemlər isə kəşf edildikcə və zaman keçdikcə aradan qaldırılacaq. Hələlik yenilənmənin tam versiyasının nə vaxt buraxılacağı məlum deyil.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)