Redmi Note 12 seriyası genişlənməyə davam edir. Redmi Note 12 Turbo təqdim edildikdən qısa müddət sonra Çin şirkəti Redmi Note 12 Pro 4G modelini qlobal bazara anons etdi. Maraqlısı odur ki, bu model ilə Note 12 Pro 5G arasında çoxlu fərqlər var. Smartfon, bu ailənin digər modelləri kimi, 6.67 düymlük 120Hz FHD+ AMOLED 120 Hz yeniləmə tezlikli ekrana malikdir. 16MP selfi kamerası ekranın yuxarı hissəsinə yerləşdirilib.
Note 12 Pro 4G modelinin əsas kamerası 108 MP sensoru ilə gücləndirilib. Uyğun olaraq 8MP ultra-geniş bucaqlı, 5MP makro və 2MP dərinlik sensorundan ibarət dördlü kamera sistemi ilə təhciz edilib. Markanın yeni telefonu Snapdragon 732G çipsetinə əsaslanır. Cihaz eyni zamanda 8 GB RAM və microSD kart vasitəsilə genişləndirilə bilən 256 GB daxili yaddaşla gəlir. Qeyd edək ki, Note 12 Pro 4G modeli Android 12 əsaslı MIUI 13 interfeysi ilə bizləri qarşılayacaq.
Xiaomi, 67 Vt sürətli şarj dəstəyi ilə 5000 mAh batareya ilə cihazı gücləndirib. Digər xüsusiyyətlərə infraqırmızı sensor, yan tərəfə quraşdırılmış barmaq izi skaneri, Dolby Atmos dəstəyi ilə dəstəklənən stereo dinamiklər və 3,5 mm qulaqlıq girişi daxildir. Redmi Note 12 Pro 4G may ayında İndoneziyada satışa çıxarılacaq. Smartfonun qiyməti hələ açıqlanmayıb, lakin onun 300 dollar civarında olduğu bildirilir. Cihazın başqa ölkələrdə nə vaxt satışa çıxarılacağı barədə hələlik məlumat yoxdur.
