Xiaomi android-ə vəda edərək yeni əməliyyat sistemini təqdim etməyə hazırlaşır. Belə ki, Xiaomi şirkəti çində MiOS ilə əlaqəli domen adını sistemdə qeydiyyatdan keçirib. Görünən odur ki, çinli texnoloigiya nəhəngi Huawei kimi Android-ə alternetiv yeni əməliyyat sistemi hazırlayır. Qeyd edək ki, mios.cn domen adı artıq Xiaomi şirkətinə məxsusdur. Əslində daha əvvəllər də şirkətin MiOS adlı əməliyyat sistemi üzərində işlədiyi ilə bağlı şayiələr mövcud idi. İndi isə çinli texnologiya nəhəngi bununla bağlı bariz olaraq hərəkətə keçib.
Xiaomi şirkətinin yeni MiOS adlı əməliyyat sistemi barədə hələlik dəqiq məlumat yoxdur. Lakin bu əməliyyat sisteminin HarmonyOS kimi Android alternativi olacağı iddia olunur. Bildiyimiz kimi, Huawei şirkəti ötən günlərdə HarmonyOS ilə bağlı daha bir addım ataraq əməliyyat sistemindən bütün android tətbiqlərini çıxarmışdı. Belə ki, şirkət bunu tərtibatçılar üçün etmişdi. Lakin yaxın gələcəkdə bütün Huawei cihazlarında bu əməliyyat sistemindən istifadə olunacağı iddia edilmişdi. İndi isə Xiaomi belə bir addım ataraq Android-dən asılılığını bitirir.
Ümumiyyətlə Çin və ABŞ arasındakı ticarət müharibəsi ölkənin proqram təminatı sahəsində müəyyən yeniliklə etməsinə səbəb olmuşdu. Məhz bu səbəbdən də Xiaomi şrikətinin özünəməxsus əməliyyat sistemi hazırladığı iddia olunur. Lakin bütün bunlara baxmayaraq bəzi texnologiya həvəskarları MiOS adının sadəcə MIUI adını əvəz edəcəyini düşünür. Başqa sözlə şirkət flaqman modellərini Redmi və Poco modellərindən ayırd etmək üçün yenilik edir. Hələlik bunun barəsində dəqiq söz demək mümkün deyil. Çox güman ki, yaxın günlərdə bu yeniliklə bağlı daha çox məlumat ortaya çıxacaq.
