Microsoft şirkəti köhnə kompüterlərin sahiblərinə Windows 10 və Windows 11 sistemlərinə pulsuz olaraq yüksəlməyə imkan verən sonuncu boşluğu da bağladı. İndi Windows 7 və ya Windows 8-in lisenziyalı nüsxələrinə sahib olanlar Microsoft-un ən yeni əməliyyat sisteminin ən son xüsusiyyətlərindən yararlanmaq istəyirlərsə, yeni lisenziya almalı olacaqlar.
Windows 10 və 11-ə pulsuz təkmilləşdirmə təklifi 29 iyul 2016-cı il tarixində, əslində başa çatmalı idi. Windows 7 və 8-dən Windows 10 və ya 11-ə pulsuz yüksəltmə xüsusiyyətləri də deaktiv edilməli idi. Lakin Microsoft ya bilərəkdən, ya da xəta səbəbi ilə bunu heç cür həyata keçirə bilmədi.
Microsoft, Windows 7 və Windows 8-in lisenziyalı surətlərinə sahib olanlara Windows 10-a pulsuz yüksəltmə etməyi indiyə qədər əməliyyat sistemi üzərindən təklif etdi. Bu təklif Windows 10-un istifadəyə verilməsindən düz bir il sonra, 31 iyul 2016-cı il tarixinə qədər etibarlı olmasına rəğmən heç bir çətinlik bu günlərə qədər yaşanmamışdı. Keçən həftə şirkət bu boşluğu bağladığını açıqladı.
Windows 10-dan Windows 11-ə təkmilləşdirmə isə hələ də pulsuz olaraq qalır. Artıq Windows 10 üçün də dəstəyi sonlandırmağa doğru gedən Microsoft, yaxın vaxtlarda Windows 11-ə keçmək üçün tələblərini daha sərtləşdirəcək.
