Apple şirkəti bu ay ərzində yeni smartfonlarını və ağıllı saatlarını təqdim etsə də, Apple Car layihəsi ilə bağlı heçbir tədbir görmür. Belə ki, bu barədə məşhur analitik Ming-Chi Kuo özü məlumat verib. Onun fikrinə görə uzunmüddətdir ki, ortalıqda olan layihə artıq inkişaf etmir. Əsas səbəb isə Apple şirkətidir. Ümumiyyətlə texnologiya nəhənginin avtomobil layihəsi çox uzunmüddətdir ki, hazırlanma mərhələsindədir. Analitiklərə görə isə Apple layihəni inkişaf etdirə bilmir.
Əslində Apple bu layihəyə daxil olduqda hərkəsin diqqətini cəlb etmişdi. Çünki texnologiya sahəsində lider olan brend avtomobil sahəsində də irəliləyiş əldə edə bilərdi. Lakin görünən odur ki, hərkəs yanılıb. Çünki Apple Car layihəsi inkişaf edə bilmir. Ming-Chi Kuo bildirir ki, Apple layihəni hazırlaya bilmək üçün mütləq yenidən başlamalıdır. Yəni işlər cığırından çıxıb. Bundan əlavə şirkətin Project Titan kod adlı elektromobil ideyası yaxın illərdə nəticə verməyəcək.
Maraqlısı budur ki, Apple elektormobilin konseptini o qədər futuristik edib ki, hazırda sərgilədiyi layihəni reallaşdıra bilmir. Çünki Apple avtomobil sahəsində təcrübəsizdir. Texnologiya nəhəngləri bu gün bir çox avtomobillərin istehsalından iştirak edir. Hətta bunlara misal olaraq Huawei göstərə bilərik. Lakin burada bir məqam var ki, avtomobillərin sadəcə texniki tərəfi texnologiya şirkətlərinin məsuliyyətində olur. Digər detallar avtomobil nəhəngləri tərəfindən hazırlanır. Apple isə bir əlində 2 qarpız tutmağa çalışdığı üçün heçbir irəliləyiş əldə edə bilmir.
Mənbələrə görə şirkət bu səbəblə NIO şirkətini almaqla bağlı məxfi görüşlərə belə başlayıb. Alış məbləği isə təqribi 15 milyard dollar səviyyəsində ön görülür.
