Microsoft şirkətinin ən yeni əməliyyat sistemi olan Windows 11 qeyri-stabil olması ilə hələ də bəzilərinin seçimi olmağı bacarmır. Windows 10, ideal performansı və stabilliyi ilə hələ də ən çox işlədilən əməliyyat sistemi olsa da Microsoft bunu sonlandırmağa çalışır. Belə ki, WIndows 11 üçün olduqca baş yoran şirkət, iddialara görə əməliyyat sistemini qeyri-stabil edən və performansı aşağı salan problemin səbəbini tapıb. Tərtitabçılar, problemin əvvəlki Windows əməliyyat sistemlərindən gələn “Explorer.exe” və ondan aslı tapşırıqlar panelindən qaynaqlandığı fikrindədirlər. Gəlin, mövzunu sizə detallı izah edək.
Tərtibatçılara görə Windows 11 əməliyyat sisteminin ən vacib problemi “Explorer.exe” fayl meneceridir
Windows əməliyyat sistemindəki tapşırıqlar panelinin nə olduğunu ümid edirik bilirsiniz. Əgər bilmirsinizsə, loru dildə desək ekranınızın aşağı hissəsində olan, açıq pəncərələr, başlat menyusu, saat və.s gördüyünüz hissə nəzərdə tutulur. Tapşrıqlar panelinin işləməsi üçün isə fayl meneceri daim aktiv saxlanlır. Fayl meneceri də məhz “Explorer.exe” proqramıdır ki, nə vaxtsa bunu qapatmısınızsa ekranın qaraldığını və tapşrıqlar panelinin də yox olduğunu böyük bir ehtimalla görmüsünüz. Hətta tapşırıqlar paneli ilə birlikdə, bildiriş mərkəzi və digər funksiyalar da “Explorer.exe” ilə bağlantılıdır.
Ona görə də nəinki Windows 11, bu vaxta qədər bütün əməliyyat sistemlərində “Explorer.exe” adlandırılan fayl meneceri xəta ilə qarşıladığı halda bütün sistemin yavaşlaması və çökməsi halı baş verib. Microsoft şirkəti nəhayət, Windows 11 əməliyyat sistemində tarixi bir dəyişiklik edərək fayl menecerindən bütün sistem üçün vacib xüsusiyyətləri ayırıb, qeyri-stabil işləmə problemlərini həll etməyi planlaşdırır.
Tapşırıqlar paneli başda olmaqla, bütün sistem əhəmiyyətli detallar hal-hazırda “Explorer.exe” proqramından çıxarılmağa başlanılıb. Əməliyyat sistemindəki proseslərin ümumi həcmi günümüzün tələbi ilə çox yüksək olduğundan tərtibatçıların bildirdiyinə görə fayl meneceri yüksək həcmli məlumatlarla qarşılaşdıqda sistemdə performans itkisinə səbəb olur. Artıq bütün bu problemlər, əməliyyat sisteminin növbəti versiyalarında yaşanmayacaq. Windows 11 əməliyyat sistemini qeyri-stabil işləmə problemlərindən azad edəcək yeniləmə təkmilləşdirmə mərhələsində olduğundan, yeniliyin 2023-cü ildə istifadəyə verilməsi gözlənilir.
