Məşhur WhatsApp tətbiqi istifadəçilərə kontaktlarına qısa video mesajlar göndərməyə imkan verən yeni funksiya üsdündə işləyir. WaBetaInfo -nun aşkar etdiyi yeni WhatsApp xüsusiyyət WhatsApp tətbiqinin iOS beta versiyasında (23.6.0.73) mövcuddur. Yeni funksiya istifadəçilərə kamera düyməsini sıxmaqla 60 saniyəlik video mesajlar yazmağa və göndərməyə imkan verəcək. Xüsusiyyətin əsas diqqət çəkən tərəfi videonun ayrı bir çərçivədə göstərilməsi kimi müşahidə edilir.
WhatsApp tətbiqi video mesajları mövcud səsli qeyd funksiyasına bənzər şəkildə başdan-sona şifrələyəcək. Bu o deməkdir ki, qısa video mesajlarda qeyd edilənləri heç kim, o cümlədən WhatsApp da görə bilməz. Video mesajlar qeydə alına və ya başqa şəxsə ötürülə bilməz. İstifadəçilər istəsələr, videoların skrinşotlarını çəkə biləcəklər. Video mesajlaşma funksiyası hələ inkişaf mərhələsindədir və onun rəsmi olaraq nə vaxt istifadəyə veriləcəyi bəlli deyil.
Bu həftənin əvvəlində WhatsApp, platformasında qrup söhbəti təcrübəsini artırmaq üçün yeni funksiyaları elan etdi. Ən son yeniləməsi ilə məşhur ani mesajlaşma proqramı indi adminlərə kimin qrupa qoşula biləcəyinə qərar verə bilir. Bundan əlavə, digər kontaktlarla hansı qruplarda bir olduğunuzu yoxlamaq daha asan oldu.
Digər bir yenilik isə birdəfəlik səslərlə bağlıdır. Əvvəl şəkillərin birdəfəlik göndərilməsi gəlsə də şirkət bir-bir hər şeyi birdəfəliik göndərməyi test edir. Aşağıdan da gördünüyüz kimi birdəfəlik səs mesajı göndərmək xüsusiyyəti görüntülər göndərilməsi ilə eynidir. Yaxın vaxtlarda şirkətin mesajları da tək səfərlik göndərməyi gətirməsi gözlənilir.
WhatsApp həmçinin status yeniləmələrini göndərmək üçün səs dəstəyinidə yaymağa başladı. Vaxtında açılmış, lakin uzun müddət əlaqə saxlamayan qruplar da avtomatik olaraq silinəcək. WhatsApp mobildən başqa, masaüstü proqramlarını da yeniləyir. İstifadə müddəti bitən qruplara əlavə olaraq, WhatsApp istifadəçilərə Telegram və iMessage də olduğu kimi göndərilən mesajları redaktə etmək imkanı verən yeni seçimi də sınaqdan keçirir.
