Bu gün müasir avtomobillərdən bir çoxu müasirləşmənin trendlərinə uyğun olaraq düymələrdən sürətlə imtina edib böyük ekranlara keçməyə başlayır. Lakin bəzi şirkətlər ya ənənəyə sadiq qalıb düyməli dizaynla davam edir, ya da hər iki dizayn üslubunun ən ortasında seçim etməyi bacarırlar. Avtomobillərin daxili məkanında minimalist üslublu dizayn baxımından geniş ekranlar, əslində çox yaxşı olsa da aparılan araşdırmalar bunun o qədər də effektiv olmadığını göstərmişdir. Hətta bu mövzuda bəzi araşdırmalar da aparılmışdır. Həmin araşdırmalarda MG Marvel R modelinin ekranda funksiyaları ardıcıl yerinə yetirməyə 44.6 saniyə sərf olunmuşdu. Sürücünün diqqəti 1372 metr məsafə boyunca yolda olmurdu. Ona görə Hyundai kimi şirkətlər tam avtonom sürüş olmayan qədər fiziki düymələrdə qalmaq istəyirlər.
Hyundai dizayn rəhbəri Sang Yup Lee bu fiziki düymələrdən imtina ilə bağlı açıqlama verir
Yeni Kona modelinin təqdimatı zamanı Hyundai dizayn rəhbəri Sang Yup Lee bu barədə açıqlama verib. Bildiyiniz kimi, Hyundai şirkəti ekranlarla birgə fiziki düymələrdən də ön paneldə sıxlıqla istifadə etməkdədir. Hətta avtomobilin interyer dizaynı çox vaxt düymələrin işlədilməsi üçün xüsusilə nizamlanır. Tanınmış bir çox nəhəng, hətta Mercedes belə 56 düymlük Hyperscreen kokpit dizaynına keçid edib. Lakin Hyundai təkidlə bu üsluba davam etdiyi üçün şirkətin dizayn rəhbərinə mövzu ilə bağlı sual ünvanlayıb.
Belə ki, Sang Yup Lee tam avtonom sürüşə şirkətin keçməyəcəyi təqdirdə bu düymələrin azalmayacağı ilə bağlı açıqlama verib. Şirkət boydan-boya ekran dizaynının nə sürücü, nə təhlükəsizlik baxımından ideal olmadığı fikrindədir. Xüsusilə bir müddət sonra avtomobilinə öyrəşən sürücü gözünü yoldan ayırmadan öz sazlamalarını edə bilir. Bu da dizayn rəhbərinin fikrincə ən ideal tərzdir. Nəticə etibarilə uzun illər düyməli dizayn tərzi Hyundai üçün əsas konsept olacaq.
