Startup Grind Baku tərəfindən yeni onlayn Startup Battle müsabiqəsi baş tutdu. Müsabiqənin qalibi isə CODEANY oldu. Digər beş innovativ startapla rəqabət aparan və yeni ideyalarını nümayiş etdirən CODEANY unikal layihəsi və cəlbedici təqdimatı ilə beynəlxalq ekspertləri heyran edib. Startaplar öz biznes modelləri, komanda məlumatları, rəqiblərini, problemi harada gördükləri kimi məlumatları nümayiş etdirərək müsabiqədə iştirak etdilər.
Startup Battle müsabiqəsində iştirak edən komandalardan biri Best.az adlı startap fikirlərini nümayiş etdirdilər. Best.az telefon zəngləri ilə rezervasiya etməyin çox vaxt aparması, müştərilərin yaxşı xidmət təminatçısı tapmaqda çətinlik çəkməsi və mövcud rezervasiya qeydlərinin yazılı şəkildə aparılması problemlərinin həllini irəli sürür. Məsələnin həlli üçün asan rezervasiya sistemi və idarə edilməsi, proqramdan çıxmadan istifadəçilərlə mesajlaşma kimi həll yollarıını təklif edən Best.az startapını təqdim etdilər.
İştirakçılardan digəri Monyo.az-dır. Startup Battle müsabiqəsinin iştirakçılarından olan MONYO-nun bir əsas məqsədi var. Hər şey təklif etməklə satışlarınızı artırmaq, mövcud olanın ən yaxşısı, ən çoxu, qabaqcıl QR Menyu şirkət xüsusiyyətləri və marketinq inteqrasiyaları kimi təkliflər irəli gətirən Monyo istifadəsinin asan olduğunu da qeyd edir. QR MONYO-nu skan edərək müştərilər saniyələr ərzində menyuya daxil ola bilərlər. Bunun müştəri menyu daxilində, ünvan, rəqəmsal menyu, şirkət, çatdırılma, rezervasiya, şərh, restoranın sosial media hesabları (instagram, facebook, tiktok) haqqında məlumatları görə və restoranın 360° görünüşü ilə tanış ola bilərlər.
Psixoloji dəstək verməyi hədəfləyən Mood adlı startap isə 16-23 yaşlı insanları və şirkət işçilərini psixoloji dəstək almağa dəvət edir. İntihar edən gənclərin sayının artması, gənclərin qeyri-sağlam həyat tərzi, düzgün psixoloq tapmaqda çətinliklər, gənclərin psixologiyaya qarşı qərəzləri kimi problərin həllinə yönələn Mood əsas vəzifəsinin psixoloji dəstəyə ehtiyacı olan hər kəsin arzularını qarşılamaq olduğunu vurğulayıb.
İstedad qazanmaq problemi, şirkətlərin layihələri üçün ən keyfiyyətli komandanı tapmaq və işə götürməkdə çətinlik çəkməsi, bacarıqlı istedadların karyeralarının köhnə sistemlərin saxlanmasından asılı olmasını istəməmələri kimi məsələlərə toxunan StellarXperience də müsabiqə iştirakçılarından idi.
Son olaraq Startup Battle-ın qalibi CODEANY isə proqramçıların inkişafına dəstək verən startapdır. Proqramlaşdırma kursları və İT sahəsindəki proqramçıların iş tapa bilməmək və uğursuz olmaq ehtimalları üçün həll yolu təklif edərək qalib olan CODEANY startapını təbrik edirik.
