TikTok platforması video paylaşımları cəhətdən Instagram platformasına rəqib olmağı çox yaxşı bacardı. Lakin insanların bu platforma ilə qısa videolar izləməyə marağı artdıqca, uzun videoların reytinqi yavaş-yavaş azaldı. Çünki, alqoritmlər çox vaxt videonun izlənmə müddətinin faizlə nisbətinə görə videonun reytinqini təyin edir. Məsələn, 15 saniyə uzunluğunda video 15 saniyə izlənərsə insanların marağını cəlb edən video kimi daha çox göstərilirsə, 2 dəqiqə uzunluğunda və ortalama 30 saniyə izlənən video daha aşağı reytinqə malik olur. Ona görə də videolar istər tələblər, istər yenilənən vərdişlərə görə qısalmaq yolunda irəliləyib. Lakin TikTok platforması belə böyük bir ehtimalla YouTube platformasına rəqib olmaq məqsədilə üfüqi videoları göstərməyi test etməyə başlayıb.
TikTok, istifadəçi interfeysini YouTube ilə bənzər formada üfüqi formada uzun videolara uyğunlaşdırır
TechCrunch resursu tərəfindən verilən məlumata görə TikTok bəzi tanınmış məzmun yaradıcıları üçün üfüqi rejimdə tam ekran xüsusiyyətini test edir. İlkin məlum olan detallarda üfüqi formada yüklənən videolara yeni “tam ekran” düyməsi görünəcəyi deyilir. Bu düyməyə toxunduqda tətbiq interfeysi YouTube bənzəri bir formaya çevriləcək. Bəyənmə, yadda saxlama, paylaşma kimi keçidlər də eynilə çevrilərək ekranın alt hissəsində düzüləcək.
Üfüqi rejimdə göstərilən videoları ola bilsin istifadəçilər tərəfindən çox bəyənilməsə də TikTok üzərindən geniş məzmun paylaşmaq istəyənlərə rahatlıq verəcək. Eyni zamanda yenilik hələ test mərhələsində olduğu üçün tətbiq interfeysinin xeyli dəyişə biləcəyi ehtimalı da var. Hətta test mərhələsində istifadəçi rəyləri çox mənfi olarsa, yenilik ümumiyyətlə ləğv edilə bilər. Lakin YouTube Shorts xüsusiyyəti TikTok üçün ciddi rəqibə çevrildiyindən, TikTok da YouTube qarşısına bu yeniliyi təqdim etməlidir.
