Ötən həftə Samsung holdinqi daxilində bütün şirkət rəhbərləri təcili iclasla bağlı bir yerə çağırıldı. İclasın başlıca səbəbi isə holdinq daxili iqtisadi problemlər və bu il daha da alovlanan çip (çipset) problemləri ilə bağlı idi. Ümumilikdə şirkət daxilində baş verən problemləri təxmin etmək o qədər çətin deyil ki, qarşıdan gələn Samsung Galaxy S23 seriyasında Exynos çipsetlərinin payı iddialara görə 10% belə olmayacaq. Bildiyimiz kimi holdinq daxilindəki “Samsung MX” şirkəti Galaxy S23 seriyasına quraşdırmaq üçün Qualcomm ilə razılığa gəlmişdi. Holdinq daxilindəki bölümlər fərqli olsa belə, “Samsung MX” şirkəti, holdinq daxilindəki müəyyən razılıq əsasında “Samsung LSI” şirkəti tərəfindən hazırlanan Exynos flaqman çipsetlərindən yararlanırdı. Lakin “Samsung LSI” şirkətinin hazırladığı çipsetlər həqiqətən flaqman cihazlarda işlətmək üçün effektiv olmadı. İndi ortaya çıxan məlumata görə Samsung holdinqi flaqman smartfonlarında mobil çipset istehsalı üçün yeni komanda yaradır. Lakin bu komanda “Samsung LSI” şirkəti tərəfindən yox, birbaşa “Samsung MX” tərəfindən toplanır.
Samsung MX şirkəti öz smartfonları üçün mobil çipset istehsalına özü fokuslanıb, keçmiş Qualcomm vitse-prezidentini rəhbər təyin edəcək
Bəli, qəribə də olsa Samsung holdinqi daxilində Exynos çipsetlərini istehsal edən bölmə tamamilə fərqlidir. Exynos çipsetlərinin istehsalı ilə “Samsung MX” bölməsi məşğul olur. Lakin The Elec. nəşrinin verdiyi məlumata görə “Samsung MX” şirkəti yalnız Samsung Galaxy seriyası flaqman smartfonları üçün özü çipset təkmilləşdirmək qərarı alıb. Bu çipsetlərin hazırlanmasında yaradılan yeni komandaya isə keçmiş Qualcomm vitse-prezidenti Choi Won-Joon rəhbərlik edəcək. Üstəlik Samsung şirkətinin smartfonları üzrə yeni rəhbər də məhz Won-Joon Choi təyin edilir
Yaxşı bəs, Exynos çipsetlərini təkmilləşdirən “Samsung LSI” şirkəti nə edəcək deyə sual versəniz, böyük bir ehtimalla üçüncü tərəf istehsalçılara yönələ bilərlər. İndiyə qədər Vivo və Meizu üçün çipset təminatçısı olmuş şirkət, başqa şirkətlərlə olan əməkdaşlığını artıra bilər. Digər bir tərəfdən yenə də orta və orta üst seqment cihazlarda Exynos çipsetləri istifadə ediləcək. “Samsung MX” tərəfindən Galaxy S və Galaxy Z seriyası üçün hazırlanacaq çipset isə 2025-ci ilə qədər hazır olmalıdır.
