Hal-hazırda Instagram tətbiqini istifadə edirsinizsə, Instagram videolarındakı son zamanlar test edilən qəribəliyi yəqin ki, müşayiət etmisiniz. Paylaşılan Instagram videoları adətən Tik-Tok videosuna bənzər formada smartfonun bütün ekranını qapadır. Bu xüsusiyyəti bəziləri bəyənsə də bəyənməyənlərin sayı düşündüyünüzdən daha çoxdur. Hətta problem o qədər geniş bir miqyasa çatıb ki, istifadəçilər imza toplamağa başlayaraq 150.000-dən çox insandan mənfi rəy yığmağı bacarıblar. Hər kəsi narahat edən əsas şey isə Instagram tətbiqinin indiki halının Tik-Tok tətbiqinə çox bənzəməsi və öz xəttindən çıxmasıdır. İstifadəçilər Instagram tətbiqinin belə olmasını istəmirlər. Belə ki, platformanın rəhbəri Adam Mosseri tərəfindən verilən məlumata görə Instagram üzərində test etdikləri bu xüsusiyyət hələlik ləğv ediləcək.
Instagram videoları bir müddət tam ekranda yox, əvvəlki kimi görünəcək
Casey Newton ilə reportaj vaxtı, Adam Mosseri bu dəqiqə Instagram tətbiqində dəhşətli dərəcədə çox qarşımıza çox çıxan tam ekran videoları, paylaşımlarının növbəti həftələrdə mərhələli olaraq dayandırılacağını bildirib. Lakin bu xüsusiyyət geri gedərək, daha fərqli bir şeyin test edilməsi yeni problemlər yaradacaq.
Instagram videoları düzəlir, fərqli bir şey “xarab olur“!
Belə ki, Mark Zuckerberg də platforma ilə bağlı fərqli bir açıqlama verib. Meta rəhbərinin sözlərinə görə bundan sonra Instagram, ana səhifənizdə izləmədiyiniz adamların paylaşımlarını daha çox göstərəcək. Bu dəqiqə Instagram tətbiqinə girsəniz ana səhifənizdə izləmədiyiniz insanların paylaşımlarını tövsiyə kimi görə bilərsiniz. Bu xüsusiyyət yaxşı bir şey kimi mövcud olsa da öz izlədiyiniz insanların paylaşımlarını əhəmiyyətli dərəcədə aşağı sıralara sala bilir. Adətən “kəşf et” bölməsi sanki, ana səhifənizlə birləşir. Mark Zuckerberg, ana səhifənizdəki bu tövsiyələrin sayının gələn ilin sonuna qədər 2 dəfəyə qədər artırılacağını bildirir.
Beləliklə, Instagram videoları düzəldi deyə düşünərkən, bu dəfə də ana səhifənizdə izləmədiyiniz insanları daha çox görəcəksiniz. Instagram platformasında son zamanlar yaşanan yeniliklər insanları xeyli bezdirib. Bir vaxtlar şəkillər vasitəsilə önə çıxan Instagram tətbiqində hal-hazırda videolar daha çox əhəmiyyət görür.
