Windows 10 əməliyyat sisteminin populyarlığı barədə bəhs etməyə yəqin ki, ehtiyac yoxdur. Daha yeni Windows 11 əməliyyat sisteminin uzun müddətdir əlçatan olmasına baxmayaraq istifadəçilərin bir çoxu hələ də Windows 10 əməliyyat sistemində qalmaqda israrlıdırlar. Bunun da təbii ki, bir çox səbəbi var. Ən başlıca səbəbi Windows 11 əməliyyat sisteminin Windows 10 ilə müqayisədə qeyri-stabil işləməsidir. İstifadəçilər Windows 11 əməliyyat sistemində müxtəlif xətalar və performans itkisi ilə qarşılaşdıqdan sonra əziyyət Windows 10 əməliyyat sisteminə geri qayıdırlar. Lakin digər bir səbəb də əməliyyat sisteminin xüsusilə yeni nəsil kompüterlərlə işləməməsədir. Rəsmi olaraq limitlərin çox olması Windows 11 əməliyyat sisteminin rahatlıqla hər kompüterə quraşdırılmasını çətinləşdirir. Nəticə etibarilə statistik nəticələr görə hər 6 nəfər Windows 10 istifadəçisindən ən yaxşı halda biri Windows 11 əməliyyat sisteminə keçid edir.
Statscounter resursu əməliyyat sistemi ilə bağlı yeni statistik nəticələr hazırlayıb
Belə ki, verilən məlumata görə bazar Windows 11 əməliyyat payının bazar payı 15,44% təşkil edir. Windows 10 əməliyyat sistemi bazar payının 76%-lik hissəsini ələ alır ki, kompüterlərinin dördə üç hissəsi məhz bu əməliyyat sistemi ilə işləyir. Lakin statistik nəticələrə görə Windows 7 əməliyyat sistemi də yavaş-yavaş istifadəçi kütləsini itirir. 9,61% ilə bazar payı cəhətdən üçüncü olan Windows 7 əməliyyat sistemindən sonra dördüncü yerdə 2,45% ilə Windows 8.1 əməliyyat sistemi gəlir. Statistik nəticələrin Windows 10 lehinə olması isə Microsoft şirkətinin Windows 11 lehinə bəzi addımlar atması ilə nəticələnə bilər.
Çünki, fərqli statistik nəticələr görə Windows 11 əməliyyat sisteminin istifadəçi kütləsi normalda 20% üzərində olmalı idi. İstehsalçılar yeni kompüterləri əksər hallarda Windows 11 ilə satışa çıxarırlar. Lakin istifadəçilər aldıqdan sonra kompüterlərə təkrar Windows 10 yükləyirlər. Bu da statistik nəticələrdə Windows 11 əməliyyat sisteminin geri düşməsinə səbəb olur.
