Samsung şirkətinin One UI 5.0 interfeysinin anonsu geridə qaldığına görə şirkət, yeni interfeysinin inkişafında kifayət qədər irəliləyib. One UI yeniləmələri ilə Samsung-un keçmişinə əsaslanaraq demək mümkündür ki, One UI 5.1 interfeysinə Galaxy S23 seriyası ilə birlikdə qovuşacağıq.
One UI 5.1 xüsusilə köhnə Samsung smartfon və planşetlərində mövcud olmayan yeni funksiyalar gətirəcək. One UI 5.0 yeniləməsinin uyğun Galaxy cihazlarına yayılma sürəti onu göstərir ki, Samsung hətta Galaxy S23 çıxmazdan əvvəl yeniləmə mövcud cihazlara göndərilməyə başlana bilər. Bir sözlə yeni proqram təminatının şirkətin növbəti flaqmanları ilə eyni vaxtlarda elan ediləcəyi gözlənilir. Koreya mənbələrinin məlumatına görə, smartfonlar fevralın əvvəlində keçiriləcək tədbirdə təqdim olunacaqdırlar.
Yeniləmə üçün uyğun cihazların siyahısı da hələlik sirr olaraq qalır. Bununla belə əmin ola bilərik ki, 2021 və 2022-ci illərdə buraxılmış əksər Galaxy smartfonları, xüsusən də Galaxy A52, Galaxy A53, Galaxy A73 və.s kimi bütün modellər One UI 5.1 yenilənməsini əldə edəcək. Bu, həmçinin 2019 və 2020-ci illərdə buraxılmış orta səviyyəli və flaqman Galaxy telefonlarına da aid ola bilər.
