Android 13 əsaslı yeni Realme UI 4.0 interfeysinin təqdimatı keçirilib. Belə ki, təqdimatda yeni interfeysin tamamilə yenilənmiş dizaynı və xüsusiyyətləri maraqla qarşılanıb. Özünəməxsus dizayn və performansı ilə bütün düynayda məşhurlaşan Realme smartfonları hal-hazırda android 12 əsaslı realme UI 3.0 interfeysindən istifadə etsə də qısa zamanda yeni interfeysə keçid edəcək.
Realme UI 4.0 interfeysi hansı yeniliklərə sahibdir?
Yeni interfeysdə təhlükəsizliyi ön plana çıxaran şirkət, həm də performansa önəm verib. Qeyd edək ki, şirkət əvvəlki versiya ilə müqayisədə yeni interfeysdə həm vizual olaraq həm də texniki olaraq 260-dan çox təkmilləşdirmə edib. Yeni Realme interfeysi dizayn olaraq daha intuitivdir və daha gənc rəng palitralarından istifadə olunub.
Qeyd edək ki, yeni interfeysdə tətbiq nişanları daha rəngli və daha canlı görünür. Həmçinin yeni interfeysdə idarəetmə mərkəzi də yaradılıb. Belə ki, artıq tez-tez istifadə olunan məlumatları və ya funksiyaları artıq bu idarəetmə mərkəzinə yerləşdirmək mümkün olacaq. Yeni interfeysin digər xüsusiyyətlərindən biri də həmişə açıq ekran xüsusiyyətidir. Bir çox texnologiya nəhəngi bu funksiyadan çoxdandır istifadə etsə də, Realme şirkəti bu funksiyanı hələ yeni gətirir.
Bundan əlavə yeni Realme UI 4.0 interfeysindən istifadə edərkən artıq 9 proqramı eyni zamanda işlədə bilərsiz. Həmçinin qeyd edək ki, hava, təqvim, addım sayğacı və digər vidjetlər də tamamilə yeni dizayna sahibdir.
Texniki cəhətdən isə yeni interfeys 10% daha yaxşı nəticə göstərib. Belə ki, yeni realme interfeysi batareyanın ömrünü 4.7% artırıb. Əlavə olaraq qeyd edək ki, artıq yeni interfeys bəzi regionlarda istifadəyə verilib. Digər regionlarda isə yaxın günlərdə istifadəyə veriləcək.
