Google Play Store birdən çox Android cihazı olan insanlara kömək etmək üçün proqram dəstəyi cəhətdən yeni xüsusiyyət gətirib. Google bu yaxınlarda Play Store tətbiqindən istifadə etdiyiniz tətbiqləri bir cihazdan başqa cihaza quraşdırmaq seçimini təqdim edir. Play Store tətbiqinin növbəti yeniliyi, istifadəçilər üçün mərhələli şəkildə aktiv ediləcək. Birdən çox cihazda avtomatik olaraq yeni proqramlar quraşdıran tam sinxronizasiya seçimi cihazlar arasında əlaqəni gücləndirəcək.
Twitter platforması üzərində AssembleDebug adlı istifadəçi tərəfindən paylaşılan bir ekran görüntüsünə görə yenilik Play Store tətbiqinin yuxarı sağ küncündəki profil parametrləri/hesab dəyişdirmə menyusu bölməsində görünür. Hesab dəyişdirmə menyusu vasitəsilə görülə bilən proqramlar və cihazları idarə et bölməsinin altında yeni bir bənd əlavə olunur. Bu seçim tətbiqləri cihazlara sinxronlaşdırma adlanır. Seçimə toxunduqda, sizə hazırda Google hesabınızla daxil olduğunuz bütün Android cihazlarını siyahısı çıxır.
Lakin hələ ki, xüsusiyyətin imkanları biraz dardır. Verilən məlumata əsasən, sinxronizasiya yalnız yeni quraşdırılmış proqramlar üçün işələyir. Beləliklə, əgər siz bütün proqramların siyahısını tez bir zamanda başqa telefona sinxronizasiyla etmək stəyirsinizsə, bu mümkün olmur. Sinxronizasiya funksiyası həmçinin tətbiq yeniləmələrini də paralel olaraq dəstəkləmir. Siz hələ də yeniləmələri əl ilə quraşdırmalı və ya telefonunuzdan istifadə edərkən avtomatik yeniləmələrin yenilənməsini gözləməlisiniz. Əldə etdiyimiz şəkillərə əsasən, görünür ki, sinxronizasiya seçimi Wear OS cihazları üçün avtomatik aktivləşdirilib və onlar əlçatan olarsa, köməkçi proqramları ağıllı cihazlara da avtomatik quraşdıracaq.
