1985-ci ildən bəri Windows-da sistem parametrlərinə baxmaq və dəyişdirmək üçün istifadə edilən idarəetmə paneli istifadədən çıxarılır. Belə ki, Microsoft Windows-a yeni funksiyalar əlavə etməkdə davam etsə də, artıq lazımsız hesab etdiyi şeyləri də köhnəlməyə davam edir.
Xatırladaq ki, Microsoft bu yaxınlarda Paint 3D tətbiqinin dayandırılacağı açıqlamışdı. İndi isə Microsoft şirkəti tərəfindən Windows idarəetmə paneli barədə də yeni qərar açıqlanıb. Tezliklə, Windows idarəetmə panelindən istifadə edə bilməyəcəyik. Windows 8 2012-ci ildə buraxılanda bizi daha müasir dizaynlı Parametrlər tətbiqi ilə qarşılamışdı. Bununla belə, idarəetmə panelində mövcud olan bəzi funksiyalar yox idi. Microsoft bundan sonra Parametrlər tətbiqinə getdikcə daha çox İdarəetmə Paneli funksiyalarını gətirməyə davam edərək istifadəçilərin diqqətini cəlb edirdi.
İndi isə Microsoft “Windows idarətetmə paneli” əvəzində tamamilə müasir və axıcı təcrübə təqdim edən Parametrlər tətbiqindən istifadə ediləcəyini bildirib. Microsoftun qeyd etdiyi kimi, İdarəetmə Panelinin Windows-da hələ də mövcud olmasının iki səbəbi var. Birinci səbəb parametrlər bölməsinin hələ tam xüsusiyyətlərə sahib olmamasıdır. Yəni, Microsoft İdarəetmə Panelindəki bütün parametrlərin daha müasir Parametrlər tətbiqinə köçürülməsini hələ başa çatdırmayıb. Bundan əlavə, İdarəetmə Paneli uyğunluq səbəbi ilə hələ də sistemlərdə mövcud olaraq qalır.
