Microsoft, bu dəfə Windows 11 əməliyyat sisteminə yeni istifadəçilər qazandırmaq üçün əlindən gələn hər şeyi edir. Belə ki, ABŞ mərkəzli texnologiya nəhəngi artıq dəstəklənməyən cihazlar üçün də Windows 11 təklif edən bildirişlər göndərir. Ümumiyyətlə, Microsoft, əməliyyat sistemini təkmilləşdirməklə bağlı müdaxiləedilici reklamları ilə tanınır. “Windows 10” istifadəçiləri əməliyyat sisteminə dəstəyin bitməsi ilə bağlı tam ekran bildirişləri almağa başlayıblar. Maraqlısı budur ki, problemin həlli Windows 11-ə keçid kimi göstərilir.
Microsoft Windows 10 istifadəçilərini tez bir zamanda Windows 11 sisteminə yönəltmək üçün əlindən gələn hər şeyi edir. Woopinah9 ləqəbli Reddit istifadəçisi, Windows 10-dan istifadə etdiyinə görə ona təşəkkür edən və əməliyyat sisteminə dəstəyin bitmək üzrə olduğunu qeyd edən bildiriş cihazında o işlərkən qəfildən necə açılmağını təsvir edib. Ümumiyyətlə, onun bu paylaşımı həqiqətən də ortaya çıxarıb ki, minlərlə Windows 10 istifadəçisi eyni hal ilə üz-üzədir. Hətta Microsoft, dəstəklənməyən cihazlar üçün də Windows 11 təklif edir.
Microsoftdan gələn mesajda bildirilir ki, “Kompüterinizi Windows 11-ə təkmilləşdirmək mümkün deyil, lakin dəstək 14 oktyabr 2025-ci ildə başa çatana qədər Windows 10 təhlükəsizlik yamaqlarını və yeniləmələrini almağa davam edəcək”. Bundan əlavə istifadəçilər ekranlarını zəbt edən bu bildirişi heç cürə rədd edə bilməzlər. Microsoft onlara ya “Ətraflı məlumat əldə edin” ya da “Sonra xatırlat” seçimi təklif edir. İkincisi, istifadəçilərin bunu bir dəfədən çox görəcəyini göstərə bilər.
