Son zamanlarda süni intellekt dedikdə bir çoxumuzun ağlına ChatGPT gəlir. ChatGPT buraxıldıqdan sonra böyük şirkətlərdə də ChatGPT və süni intellektə xüsusi bir maraq yarandı. Bu şirkətlər haqqında daha çox məlumatı saytımızda ki, əlaqəli xəbərlərimizdən oxuya bilərsiniz. Bu şirkətlərdən biridə Metadır. Mark Zuckerberg izah etdi ki, Meta şirkəti süni intellekt baxımdan başqa şirkətlərdən geridə qalmayacaq. Baş direktor bildirib ki, onun şirkəti öz xidmətlərində daha yaxşı süni intellekt tətbiq etməyə, istifadəçilər üçün yaxşı təcrübələr təqdim etməyə yönələcək yeni yüksək səviyyəli məhsul xətti yaradıb.
Mark Zuckerberg verdiyi açıqlamada, yeni yüksək məhsul xəttinin yaradılması ilə şirkət daxilində süni intellekt üzərində çalışan komandaların bir araya gətiriləcəyini bildirib. Bu yolla işin sürətləndirilməsi hədəflənir. İlk addım yaradıcı və təsir edici alətlər yaratmaq olacaq. Uzunmüddətli məqsəd isə insanlara müxtəlif yollarla kömək edə biləcək AI həlləri yaratmaqdır.
Meta şirkətinin ChatGPT kimi çatbotlarını WhatsApp və Messenger üzərində mətn əsaslı AI alətləri üçün istifadə edəcəyi deyilir. Bunlar istifadəçilər üçün hansısa yolla istifadə hallarını təkmilləşdirsə də, Meta bu xüsusiyyətləri satış və müştəri dəstəyi kimi sahələrdə də istifadə edə bilər. İstifadəçi tərəfdən baxdığımız zaman WhatsApp tətbiqinə əlavə olunacaq süni intellekt sizin üçün biznes tətbiqində mesajlara belə cavab verə bilər. Meta həmçinin Instagram tətbiqi üçün süni intellekt ilə yaradılacaq filtrləri və reklam formatları ilə yanaşı video və multimodal təcrübələrini də sınaqdan keçirir. Eyni zamanda, Metanın quracağı bu ən yaxşı məhsul qrupunun meneceri Apple şirkətində 16 illik təcrübəyə malik Ahmad Al-Dahl olacaq. Keçən həftə Meta yeni, təbii dildə olan LLaMA modelini elan etdi. Meta şirkətinin dediyinə görə, LLaMA dil modeli GPT-3 dil modelini əksər meyarlarda üstələyir və hətta GPT-3 ümumi ölçüsünün yalnız onda bir hissəsi qədər yer tutur.
