Apple şirkəti 2019-cu ildə Find My xüsusiyyətini istifadəyə vermişdi. Bu xüsusiyyət, iOS istifadəçilərinin cihazları itdikdə internet bağlantısı olmadan da tapmalarına imkan verirdi. Apple şirkəti bunu, sahib olduğu güclü ekosisteminə borclu idi. Çünki, iPhone modelləri internet bağlantısı olmasa belə bir-birləri arasında aşağı tezlikli siqnallar ilə əlaqə yaradaraq məlumat ötürməyi bacarırlar. Lakin Android ekosistemində Google şirkəti bənzər bir şeyi tətbiq edə bilmirdi. “Cihazımı tap” xüsusiyyəti mövcud olsa da yalnız internet bağlantısı olduqda işləyirdi. Əks halda itmiş cihazı tapmaq mümkünsüz olurdu. Lakin Google, itmiş Android smartfonların yeri ilə bağlı internet bağlantısı olmasa da məlumat verəcək yeni xüsusiyyətini təqdim edəcək.
Google, itmiş Android smartfonlar üçün yeni internetsiz əlaqə mexanizmini test edir
Qeyd edilənə görə, smartfonlar bunun üçün bluetooth siqnallarından istifadə edəcəklər. Google servislərinə əlavə ediləcək yeni təhlükəsizlik xüsusiyyəti, itmiş Android smartfonun itdiyinə dair sorğu başladıldıqdan sonra yeni təhlükəsizlik rejimini işə salacaq. Cihaza hər hansı bir müdaxilə edilmədiyi təqdirdə, internet bağlantısı kəsilsə belə “xəbərləşmə” metodu ilə Google servislərinə sahib ətrafdakı cihazlar itmiş cihazla bağlı məlumat ala biləcəklər.
Yeniliyin detalları hələ ki, tam olaraq açıqlanmayıb. Lakin təhlükəsizlik yeniləməsi ilə bağlı fayllarda “məxfilik əsaslı proqram təminatı” və “şifrlənmiş məkan məlumatları” tipli detallara rastlanılıb. Əslində, ötən il Google şirkətinin bu təhlükəsizlik xüsusiyyəti üzərində işlədiyi ortaya çıxmışdı. Lakin bu günə qədər yeniliklə bağlı çox da irəliləyiş əldə olunmayıb. Belə ki, bu xüsusiyyət Google Play Services v50.22 və Google Play Store v33.5 yeniləmələrinin bir parçasıdır. Yayımlanma prosesinə isə 15 dekabr tarixindən başlanılıb. Böyük bir ehtimalla təkmilləşdirmə mərhələsi bu il tamamlandığından, xüsusiyyət 2023-cü ildən başlayaraq bütün Android smartfonlar üçün aktivləşdiriləcək.
