Bildiyimiz kimi, Huawei brendi ABŞ tərəfindən müxtəlif sanksiyalara məruz qalmışdı. Məhz bundan sonra çin texnologiya nəhənglərindən olan Huawei öz əməliyyat sistemi olan HarmonyOS üzərində çalışmağa başlamışdı. Bu gün isə məcburiyyətdən yaradılan həmin o əməliyyat sistemi nəhayət dünya bazarına çıxır. Hətta Huawei brendinin iki il əvvəl təqdim etdiyi yeni əməliyyat sistemi dünyanın üçüncü ən yaxşı mobil əməliyyat sistemi hesab olunur. Qeyd edək ki, Huawei brendinə məxsus olan əməliyyat sistemi sadəcə smartfonlar üçün nəzərdə tutulmayıb. Bu əməliyyat sistemi həm ağıllı televizorlar həm avtomobil əyləncə sistemləri həm də ağıllı saatlar üçün hazırlanıb.
Bütün Huawei modelləri EMUI sistemindən imtina edərək HarmonyOS sisteminə keçəcək
Huawei şirkəti ABŞ təzyiqlərindən sonra qısa bir müddət ərzində öz əməliyat sistemi olan HarmonyOS sistemini hazırlasa da, yalnız Çində mövcud olmuşdu. bu gün isə brend öz əməliyyat sistemini dünya bazarına çıxarmağa qərar verib. İndiyə qədər qlobal bazarda satıla bütün Huawei modelləri EMUI əməliyyat sistemindən istifadə edirdi. Lakin indi şrikət orta seqmentdən olan Huawei Nova 11i və flaqman modeli Huawei P60 Pro modelinə öz əməliyyat sistemini quraşdıraraq bazara çıxarıb. Bununla da şirkət yeni qərarını həyata keçirməyə davam edir.
Huawei şirkətinin bütün modellərində HarmonyOS əməliyyat sistemindən istifadə etmək qərarı həm əməliyyat sisteminin mövqeyini həm də brendin öz mövqeyini qlobal bazarda yüksəldib. Güman edilir ki, çinin texnologiya nəhənginin təqdim edəcəyi bütün yeni modellər artıq öz əməliyyat sisteminə sahib olacaq. Lakin hazırda bazarda mövcud olan köhnə modellərin yenə də EMUI sistemindən istifadə edəcəyi gözlənilir. HarmonyOS əməliyyat sisteminin gələcəkdə daha çox cihazda istifadə ediləcəyi və əməliyyat sisteminin hər il daha da təkmilləşəcəyi qaçılmaz həqiqətdir.
