Korona virusla birgə başlayan pandemiya dövrü özü ilə müxtəlif ehtiyaclar gətirmişdi. Hər kəs evinə və ya olduğu yerə qapanıb həyatına qapalı yerdən davam etmək məcburiyyətində idi. Ona görə də həmin dövürlərdə onlayn görüşlərimizi keçirə bildiyimiz tətbiqlər həyatımızın bir parçasına çevrilmişdi. İclaslar, uzaqdan görülən işlər, tədris və saya biləcəyimiz çox şey tətbiqlərin ümidinə qalmışdı. Hətta ilkin mərhələlərdə Zoom tətbiqi daha çox istifadə edilirdi. Lakin tətbiqin narahatçılığı səbəbilə irəliləyən dövürlərdə Zoom öz yerini fərqli alternativlərə verdi. Google şirkətinin təklif etdiyi vasitələr isə praktikliyi ilə seçilirdi. Xüsusilə Meet həm şirkətlərin, həm tədris ocaqlarının, həm şəxsi istifadə üçün onlayn görüş keçirənlərin yaxşı işinə yaradı. Belə ki, Google bənzər xüsusiyyətlərə sahib Google Duo tətbiqini Google Meet ilə birləşdirəcəyini açıqlayıb.
Google Meet və Duo tətbiqləri niyə birləşdirilir?
Google düşünür ki, bu iki tətbiq prinsipcə bir-birinə bənzər olduğundan ayrı 2 tətbiq kimi mövcud olmasına ehtiyac yoxdur. Ayrılıqda inkişaf etdirilib qaynaqları müxtəlif yerlərə ayırmaq əvəzinə bunları 1 tətbiqdə birləşdirmək daha məntiqli görünür. Bunun ən çətin tərəfi isə uyğun bir interfeys yaratmaq olacaq. İstifadəçilərin böyük bir qismi Duo tətbiqini sadə olduğu üçün sevib işlədir. Google Meet isə daha çox qrup şəklində görüşmələrdə işlədilir və daha geniş imkanlara malikdir. Bunları birləşdirərkən böyük bir ehtimalla daha sadə quruluşa Google Duo sahibdir deyə əslində, Duo tətbiqi yox olacaq deyə düşünə bilərsiniz.
Amma Google tam tərsi Google Meet tətbiqini Google Duo üzərinə köçürmək istəyir. Duo isə təkrar brendləşdirilib Google Meet adlandırılmalıdır. Çox qarmaşıq olduğunun fərqindəyik. Şirkət nəyə görə belə bir həll yoluna yönəldiyini ətraflı açıqlamır. Google bunu ən ideal addım kimi düşünür. Yaxın vaxtlarda Duo tətbiqinə böyük yeniləmə gətiriləcək. Tətbiqlərin birləşdirilmə prosesi bu ilin sonuna qədər yekunlaşacaq. Hal-hazırda mövcud olan Google meet tətbiqi Meet Original olaraq adlandırılıb istifadədən çıxarılacaq. Baş tutduqdan sonra Meet adı Duo tətbiqinə veriləcək.
Bizim ehtimallarımıza görə, Meet tətbiqinin Duo tətbiqinə köçürülməsinin səbəbi Duo-nun bəzi smartfonlarda standart olaraq gəlməsidir. Smartfonların bəzilərində defolt olaraq gələn Google proqramlarına Duo da daxildir. Şirkət də bunu əldən vermək istəməyib, hazır variant kimi Meet tətbiqini Duo-ya köçürmək istəmiş ola bilər.
