Məşhur texnologiya şirkəti olan Nvidia, canlı yayım və video konfrans vasitələri olan Nvidia Broadcast üçün bəzi yeniliklər əlavə etdiyini açıqlayıb. Nvidia Broadcast tərəfindən paylaşılan bloq yazısında 1.4 versiyası ilə gələn xüsusiyyətlərdən bəhs edilib. Şübhəsiz ki, bunlardan ən diqqət çəkəni Eye Contact olub. Yeni funksiya sayəsində insan baxışları simulyasiya ediləcək şəkildə tənzimlənir və canlı yayımlarda kamera ilə göz təması kəsilmir. Qeyd etmək lazımdır ki, proqram hələ beta versiyasında olsa da, düzgün və təbii şəkildə işləyir.
Video konfrans zamanı bəzi məlumatlara yenidən baxmaq üçün gözlərinizi ekrandan və kameradan çəkməlisiniz. Bu xüsusiyyətin köməyilə məlumatlara yenidən baxdığınız zaman kameraya baxmaq məcburiyyətində deyiliniz.
Son illərdə Nvidia süni intellektlə dəstəklənən proqram təminatı ilə yaxından maraqlanır və təqdim etdiyi həlləri qrafik kartların satışı üçün bir səbəbə çevirir. RTX qrafik kartlarının xüsusilə oyunlarda FPS artırmaq üçün olan imkanlarından əlavə, süni intellekt əsaslı köməkçi funksiyaları da olduqca populyardır. Məsələn, Broadcast funksiyasının imkanları ilə yaşıl pərdəniz olmasa belə bənzər keyfiyyətdə arxa planı silə və mikrofonunuzun götürdüyü fondakı səs-küyü belə təmizləyə bilirsiniz. Təbii ki, bütün bu həllərə süni intellekt cavabdehdir. Nəhayət, istifadəçilər tərəfindən tələb olunan ən populyar funksiyalardan biri olan Eye Contact xüsusiyyətini elan edir ki, Broadcast imkanları daha da təkmilləşəcək. Hələ ki, bu yenilik bəzi hallarda tam olaraq kameraya baxmayan görüntülər yarada bilsə də yaxın vaxtlarda beta variantından çıxdıqda kiçik xətalar da həll edilmiş olacaq.
