Ötən günlərdə TikTok tətbiqini Avropa və ABŞ-də dövlət səviyyəli orqanların işçilərinin işlədilməsinə qarşı bəzi tədbirlər alındı. İlk olaraq təhlükəsizlik səbəbi ilə TikTok-u işçilər arasında qadağan etdi. Qəbul etdikləri qərar çərçivəsində Avropa Komissiyası və Avropa Şurası işçilərdən TikTok-u həm korporativ cihazlarından, həm də şəxsi cihazlarından çıxarmağı bildirdi. Daha sonra isə oxşar addım ABŞ tərəfindən atıldı. Kanada bu həftənin əvvəlində TikTok platformasını məxfilik və təhlükəsizlik üçün qəbuledilməz risk səviyyəsi yaratdığını bildirərək, tətbiqi hökumət tərəfindən verilən bütün cihazlarda qadağan etdiyini açıqladı. İndi isə TikTok tətbiqini tamamilə ölkədə qadağa etmək üçün söz haqqı Bayden masasına göndərilir.
TikTok tətbiqinin Bayden tərəfindən bloklana biləcəyi qanun layihəsi yüksək səs çoxluğu ilə qəbul olundu
ABŞ-də TikTok tətbiqini qadağan edən qanun layihəsi 16 əleyhinə 24 lehinə səslə təsdiqlənmiş hesab olunur. İndi isə platformanın ABŞ üçün taleyini həll edəcək qərar Ağ Ev tərəfindən veriləcək. Qanunverici administrasiyanın fikrincə 100 milyondan çox amerikalı tərəfindən istifadə edilən ByteDance proqramı ABŞ üçün həqiqətən təhlükəsizlik riski hesab olunur.
Demokratlar isə qanun layihəsinin tələsik qəbul olunduğu fikrindədirlər. Onların fikrincə müzakirələr və ekspertlərlə məsləhətləşmələr yolu ilə bu addımı belə sürətli atmağa ehtiyac yox idi. Qanun layihəsində qadağanın necə işləyəcəyi dəqiq bilinmir. Lakin Bayden bu qərar ilə TikTok üzərində istənilən əməliyyatı qadağan etmək səlahiyyəti əldə edir ki, bu da öz növbəsində ABŞ-da hər kəsin proqrama daxil olmasına və ya yükləməsinə mane ola bilər.
