Dünyanın texnologiya nəhəngi olan Apple şirkəti smartfon, planşet və digər modellərinin təhlükəsizlik tədbirlərini təkmilləşdirib. Proqram təminatı və keyfiyyətli modelləri iəl məşhurlaşan texnologiya nəhəngi, istifadəçilərin mesajları, şəkilləri və şəxsi məlumatlarının hər birinin başdan-sonra şifrələnəcəyini bildirib. Qeyd edək ki, Meta şirkətinin WhatsApp platforması da istifadəçilərin mesajlarını başdan-sona şifrələyir. Ötən gün isə texnologiya nəhəngi Apple tətbiqlərinin iOS, iPadOS və MacOS yeniləmələri ilə daha təhlükəsiz olacağını elan edib.
Apple hansı tətbiqlər üçün təhlükəsizlik tədbirlərini təkmilləşdirib?
Xatırladaq ki, ötən günlərdə iCloud tətbiqi barədə ciddi təhlükəsizlik problemləri aşkar edilmişdi. Belə ki, Windows üçün olan iCloud tətbiqində olan bu problem sosial şəbəkədə müzakirələrə səbəb olmuşdu. Güman olunur ki, şirkətin ötən gün elan etdiyi təhlükəsizlik yeniləmələri bu problemi də aradan qaldıracaq. Qeyd edək ki, texnologiya nəhəngi iMessage, Apple ID, iCloud və digər tətbiqləri başdan-sona şifrələdiyini bildirib. İlk dəfə 2010-cu ildə Text Secure adlı mesajlaşma proqramına tətbiq olunmuş başdan-sona şifrələmə daha sonra Skype, WhatsApp kimi tətbiqlərdə də tətbiq olunmağa başlamışdı.
Apple şirkətinin Advanced Data Protection adlandırdığı başdan-sonra şifrələmə xüsusiyyəti, indiyə qədər 14 tətbiqdə istifadə olunurdu. İndi isə şirkət daha 9 tətbiqin təhlükəsizlik tədbirlərini təkmilləşdirir. Belə ki, artıq iCloud məlumatları, sağlamlıq məlumatları və xəritələr tətbiqində axtarış tarixçəsi də daxil olmaqla bir çox proqram yeni təhlükəsizlik funksiyası ilə qorunacaq. Əlavə olaraq qeyd edək ki, Apple mesajların ehtiyat nüsxəsi, fotoşəkillər, səsli qeydlər, safari məlumatları, Apple pul kisəsi məlumatlarını da başdan-sonra şifrələyəcəyini bildirib.
Yeni təhlükəsizlik yeniləmələri iOS 16.2, iPadOS 16.2 və MacOS 13.1 ilə bütün Apple istifadəçilərinə üçün istifadəyə veriləcək. Apple bildirir ki, sadəcə 3 tətbiq yəni Təqvim, Poçt və Kontaktlar yeni təhlükəsizlik funksiyasını dəstəkləmir. Buna səbəb isə bu tətbiqləri köhnə texnologiyalardan istifadə etməsi olaraq göstərilir. iOS 16.2 ilə gəlməsi gözlənilən kiçik amma vacib yeniliklərdən biri də AirDrop ilə bağlıdır. Belə ki, artıq istifadəçilərə AirDrop funksiyasında 3 seçim təklif olunur. Bu seçimlərə isə funksiyanı hər zaman açıq saxlamaq, funksiyanı bağlı saxlamaq və funksiyanı sadəcə 10 dəqiqə müddətində açıq saxlamaq aiddir. Son olaraq qeyd edək ki, iOS 16.2, iPadOS 16.2 və MacOS 13.1 yeniləmələri ABŞ-da dekabrın sonunda, digər ölkələrdə isə 2023-cü ilin ilk günlərində istifadəyə veriləcək.
