Dünyanın ən böyük futbol təşkilatı olan və 4 ildən bir keçirilən Dünya Kuboku, 2022-ci ildə Qətərin ev sahibliyi ilə başlayıb. Əsasən iyun-iyul aylarında keçirilən turnir bu il noyabr-dekabr ayları arasında keçirilir. Əlbəttə ki, hər bir Dünya kubokunda yeni dizaynlı topdan istifadə olunur. Hətta bir çox futbol azərkeşi məhz bu top üçün 4 ildir səbrsizliklə gözləyir. Bu il keçirilən Dünya Kuboku turnirində Adidas tərəfindən xüsusi ilə hazırlanan süni intellekt əsaslı top olan AL Rihla istifadə olunur. Qeyd edək ki, süni intellekt əsasında hazırlanan yeni top Adidas tərəfindən dünyanın ən sürətli topu olaraq təqdim olunur.
Dünya Kuboku oyunlarındakı süni intellekt əsaslı yeni top hansı xüsusiyyətlərə sahibdir?
Adidas tərəfində xüsusi olaraq hazırlanan yeni süni intellekt əsaslı topun adı ərəbcə səyahət mənasını verir. Belə ki, şirkət bildirir ki, yeni topu hazırlayarkən Qətərin memarlığından və ölkənin simvolu olan qayıqlardan ilhamlanıblar. Bundan əlavə şirkət süni intellekt əsaslı topun 20 parçadan ibarət örtüyünü kimyəvi maddələr ilə yüksək temperaturda işləyərək hazırladığını bildirir. Ətraf mühitə xüsusi əhəmiyyət verən Adidas şirkəti, Dünya Kuboku topları tarixində bir ilk olaraq yeni topu su əsaslı yapışdırıcılara və mürəkkəblərə üstünlük verərək hazırlayıb. Lakin qeyd edək ki, topun ən əsas xüsusiyyəti onun dizayn tərəfində deyil məhz texnologiya tərəfindədir.
2022-ci ilin Dünya Kuboku turniri üçün xüsusi olaraq hazırlanan top, daxilində yerləşdirilən süni intellekt əsaslı texnologiya ilə önəmli məqamlarda dəqiq məlumat verir. Belə ki, Dünya Kuboku tarixində ilk olaraq topun daxilinə real vaxt rejimində məlumat toplayan xüsusi sensor yerləşdirilib. Bu sensor vasitəsi ilə isə mühüm qərar vəziyyətlərində VAR texnologiyası daha dəqiq qərar verəcək. Qeyd edək ki, topun mərkəzində yerləşən sensor saniyədə 500 məlumat toplayır və məlumat mərkəzinə ötürür. Yeni topun ən əsas xüsusiyyətlərindən biri də onun artıq hava ilə doldurulmamasıdır. Belə ki, yeni top ortada yerləşən asma sistemi ilə daha balanslı və daha sürətli hərəkət edə bilir.
Al Rihla adlanan yeni top daha yüngül olduğundan əksər oyunçular onu hava ilə vurmağı üstün tutur. Həmçinin topun materialı sürtünməni azaltdığı üçün digər toplardan daha sürətli hərəkət edir. Qeyd edək ki, süni intellekt əsaslı AL Rihla Pro 165$-a satılır. Topu şarj etmək üçün xüsusi hazırlanmış naqilsiz şarj stansiyasına yerləşdirməyiniz kifayətdir.
