Meta şirkətinin mesajlaşma platforması WhatsApp yeni yeniləmələri ilə istifadəçilərə təqdim olunur. Tez-tez yeni xüsusiyyətləri sınaqdan keçirən şirkət indi də dizayn dəyişikliyi edir. Dünyanın ən çox istifadə edilən platformalarından biri olan WhatsApp istifadəçiləri həyəcanlandıracaq xəbərlərlə gəlir. Daha əvvəl Android və iOS üçün müxtəlif yeniliklər təqdim edən proqram indi interfeys dəyişikliyi ilə gündəmdədir. Çıxan ekran görüntüsü bu dəyişiklikləri təsdiqləyir.
Ümumiyyətlə, WhatsApp bir çox funksiyalarla yenilənib. İndi daha çox söhbət tərəfində baş verəcək bir dəyişiklik gəlir. Məlumata görə, Android istifadəçiləri iOS istifadəçiləri kimi yeni ana səhifə şəklinə sahib olacaqlar. Yeni dizaynla istifadəçilər yeni söhbətə və ya başqa bölməyə daxil olmaq üçün heç bir əziyyət çəkməyəcəklər. Əvəzində iOS əməliyyat sistemində olduğu kimi aşağıda yerləşən funksiyalardan istədikləri əməliyyatlara daxil ola biləcəklər.
Bu naviqasiya paneli illərdir iOS üçün nəzərdə tutulmuş olub, lakin Android-də deyil. Gec olsa da, Meta-nın belə bir dəyişiklik etməsi bir çox Android istifadəçilərini sevindirir. WhatsApp-ın 2.23.8.4 versiyası ilə Android beta versiyasında edilən yenilik Android interfeysinin iOS-a daha çox bənzəyəcəyini göstərir. Bütün bunlara əlavə olaraq WhatsApp Android-in yeni dizaynı hələ sınaq mərhələsindədir. Sözügedən dəyişikliyin nə vaxt ictimaiyyətə açıqlanacağı barədə məlumat yoxdur. Bundan əlavə, şirkət mesaj redaktə və söhbəti kilidləmə xüsusiyyətləri ilə gündəmə gəlib. Lakin yenilik hələ ki, hamı üçün istifadəyə verilməyib.
