Google, Android cihazlar üçün oğurluğa qarşı yeni funksiyalar təqdim etməyə başlayıb. Belə ki, yeni Anti Theft istifadəçinin smartfonu oğurlandıqda onun şəxsi məlumatlarını təhlükəsiz saxlamağa kömək edəcək.
Google, Android 10 və daha yeni versiyalarla işləyən cihazlar üçün oğurluğa qarşı yeni funksiyaları yaymağa başlayıb. Anti Theft olaraq da adlandırılan bu xüsusiyyətlər artıq Google Play Xidmətlərinin 24.40.33 beta versiyasında mövcuddur. Başlanğıcda onu Parametrlər tətbiqində və ya yenidən işlənmiş Google xidmətləri səhifəsində Şəxsi və cihaz təhlükəsizliyi bölməsində Oğurluğa Qarşı axtarış etməklə əldə etmək mümkün olacaq. Oğurluğun Aşkarlanması Kilidi smartfonunuzu istifadə edərkən birisinin qəfildən smartfonunuzu alıb-almadığını öyrənmək üçün cihazın sensorlarını, Wi-Fi bağlantısını və ağıllı cihaz bağlantılarını istifadə edəcək.
Əgər bütün bu bağlantılar smartfonunuzun oğurlandığına işarə edərsə, oğurluğa qarşı funksiya şəxsi məlumatlarınıza icazəsiz girişin qarşısını almaq üçün avtomatik olaraq ekranı kilidləyəcək. Beləliklə, kimsə smartfonunuzu oğurlayarsa və onun izlənilməsinin qarşısını almaq üçün interneti söndürərsə, Oflayn Cihaz Kilidi funksiyası işə başlayacaq. Bunun üçün Google iki şərti qeyd edir: 1) Smartfonunuzu kiliddən çıxarmaq lazımdır, 2) Ekranı gündə maksimum 2 dəfə kilidlyə bilərsiniz.
Maraqlısı budur ki, yeni funksiya ilə siz smartfonunuzu android.com/lock saytına daxil olaraq uzaqdan da kilidləyə biləcəksiniz. Bunun üçün isə siz telefon nömrəsi ilə şəxsiyyətinizi təsdiq etməli və təhlükəsizlik sualına cavab verməlisiniz. Google bu funksiyanın Cihazımı Tap-a daxil olmaqdan daha sürətli olduğunu deyir.
