Bildiyimiz kimi, dünyanın ən təhlükəsiz və ən etibarlı əməliyyat sistemlərindən biri məhz iOS əməliyyat sistemidir. Belə ki, indiyə qədər bir çox tərtibatçı iOS emulatoru tərtib etməyə çalışsa da bunun bir yolunu tapa bilməmişdi. Lakin ötən günlərdə Hikori No Yume adlı həvəskar tərtibatçılardan biri bunun bir yolunun tapıb. Yəni o, android cihazlar üçün iOS emulatoru tərtib edib. Belə ki, o yalnız köhnə iOS əməliyyat sistemini Android cihazlar üçün port edə bilib. Həmçinin bu emulator vasitəsi ilə sadəcə bir neçə oyun oynamaq mümkündür.
Qeyd edək ki, Hikari No Yume tərəfindən tərtib olunan iOS emulatoru touchHLE adlanır. Belə ki, bu emulator iOS əməliyyat sisteminin köhnə versiyalarını təqlid edir. Hətta Hikari bu emulatorda məşhur Super Monkey Ball oyununu sınaqdan keçirib. Lakin emulator sadəcə Super Monkey 1.02 versiyasını dəstəkləyir və oyun da bəzən problem ilə qarşılaşmaq mümkündür. Bundan əlavə isə həvəskar tərtibatçının hazırladığı emulatorda Nitro Card 3 və Crash Bandicoot kimi bəzi köhnə iPhone oyunlarını sınamaq mümkündür. Başqa bir nüans ondan ibarətdir ki, bu emulator yalnız aarchx64 arxitekturalı prosessorlar ilə təchiz edilən android smartfonlarda işləyir.
Bu emulatorun meydana gəlməsi onu göstərir ki, artıq ən etibarlı və ən təhlükəsiz hesab edilən iOS əməliyyat sisteminin də zəif tərəfləri mövcuddur. Şübhəsiz hikari bu emulatoru gələcəkdə hələ çox təkmilləşdirəcək. Bəlkə də gələcəkdə iOS tətbiqlərindən də bu emulator vasitəsi ilə istifadə emək mümkün olacaq. Əgər siz də bu emulatoru yoxlamaq istəyirsinizsə Github vasitəsi ilə emulatoru əldə edə bilərsiniz.
