Çinin texnologiya nəhəngi olan Xiaomi brendinin alt markası olan Poco 15 dollara Poco Pods simsiz qulaqlığını təqdim edib. Yeni qulaqlıq sərfəli qiyməti və dizaynı ilə diqqətləri cəlb etməyi bacarıb. Bu gün istifadəçilər tərəfindən ən çox tələb görən cihazlardan biri məhz simsiz qulaqlıqlardır. Lakin bəzən simsiz qulaqlıqlar arasında seçim etmək çox çətin olur. Çünki onların qiymətləri, görünüşü və dizaynı bir-birinə çox bənzəyir. Lakin Poco brendinin təqdim etdiyi yeni cihaz sadəcə qiyməti ilə bütün diqqətləri öz üzərinə cəlb etməyi bacarıb.
Hindistanda 15 dollara satışa çıxarılan Poco Pods simsiz qulaqlığı 12 mm diafraqmaya sahibdir. Bundan əlavə yeni qulaqlıq su sıçramalarına və tərə qarşı qorunur və IPX4 sertifikatına sahibdir. Yeni Poco Pods cihazı, Poco brendinin ənənəvi sarı və qara rəngləri ilə bəzədilib. Belə ki, qulaqlıq sarı silikon qulaqlıqlara və qara rəngli oval batareya qutusuna sahibdir. Qutunun ön tərəfində isə Poco yazısını görmək mümkündür. Çin brendinin təqdim etdiyi yeni qulaqlıq öz qiymətinə görə çox möhtəşəm dizayna və keyfiyyətə malikdir. Qeyd etmək lazımdır ki, Poco Pods qulaqlığı daha yaxşı səs performansı üçün SBC codec dəstəkləyir.
Bluetooth 5.3 texnologiyasına sahib olan yeni qulaqlıq Android cihazlar ilə sürətli və asan bağlantı qura bilir. Hətta bunun üçün Google Fast Pair funksiyasını da təklif edir. Maraqlısı budur ki, simsiz qulaqlıq səs-küyün azaldılması yəni ENC funksiyasına və 60 ms gecikmə sürətinə sahibdir. Bu xüsusiyyəətlər bu gün bazarda daha baha qiymətə satılan bir çox orta-büdcəli qulaqlıqlar ilə eynidir. Batareya tərəfində Poco Pods modeli 30 saata qədər istifadə imkanı təklif edir. Həmçinin sürətli şarj dəstəyi ilə istifadəçilər 10 dəqiqəlik şarj ilə 90 dəqiqə musiqiyə qulaq asa bilər.
