Günümüzün nəhəng şirkətlərindən biri olan Netflix, abunəçi sayının azalması səbəbindən şifrə paylaşımının qarşısını almağa qərarlıdır. Hətta şirkət məhz bu səbəbdən abunəçilərin hesablarını köçürə biləcəyi yeni funksiya yaradıb. Şirkət şifrə paylaşımının qarşısını ala biləcək funksiyanı Profil Transfer funksiyası adlandırıb.
Netflix-in Profil transferi funksiyası nədir?
Qeyd etdiyimiz kimi, abunəçi sayının azalıdğını görən netflix artıq şifrədən imtina edir. Bu funksiya vasitəsilə hər abunəçi yalnız özünə məxsus hesabı başqa bir cihaza transfer edə bilər. Profil transferi funksiyası istifadəçinin izləmə siyahısı, proqram məlumatları həmçinin təklif və tövsiyə siyahısını başqa cihaza ötürür. Beləliklə, istifadəçi əvvəlki hesabda nə izlədiyini xatırlamağa ehtiyac duymur. Şirkətin xidmət şərtlərinə görə, abunəçinin kənar insanlarla paylaşması qadağandır.
Məhsul İnnovasiyaları üzrə Menecer Timi Koştin-in sözlərinə görə: “Ailələr böyüyür münasibətlər isə bitir. Ancaq həyat boyu dəyişikliklər boyunca, Netflix təcrübəniz eyni qalmalıdır. Netflix profilinizin həyatınızda sabit qalmasına icazə verin ki, istədiyiniz zaman qaldığınız yerdən izləməyə davam edəsiniz.
İlk olaraq, mart ayında Netflix bəzi ölkələrdə “əlavə üzv” funksiyasını sınaqdan keçirməyə başlamışdı. Bu funksiyaya ilə yeni üzv əlavə edənlərə əlavə ödənişlər tətbiq olunurdu. İyul ayında isə, “yeni ev əlavə et” funksiyası ilə eyni hesaba yeni istifadəçilər əlavə etmək üçün fərqli bir versiya təklif olundu.
Bu ilin əvvəlində abunəçi sayında böyük azalma yaşayan Netflix, platforma üçün bəzi önəmli qərarlar verdi. Şirkətin 2022-ci il hesabatına görə, təxminən 100 milyon abunəçi tək hesabdan istifadə edir. Bundan əlavə, ABŞ üçün 6.99 dollara təyin edilən yeni reklam abunəsi noyabrın 3-də istifadəyə veriləcək.
