Süni intellekt işlərimizi asanlaşdırmağa davam edir. Belə ki, dünyanın texnologiya nəhənglərindən biri olan Meta yeni Music Gen süni intellekt alətini təqdim edib. Artıq yeni Music Gen süni intellekt aləti ilə sadəcə mətnlərdən yeni musiqi yaratmaq mümkün olacaq. Əslində biz yeni süni intellekt alətini ChatGPT-nin səsli versiyası da adlandıra bilərik. Sadəcə aralarındakı fərq musiqi yaratmaqdır. Hətta süni intellekt aləti musiqiyə melodiya da əlavə edə bilir.
Yeni Music Gen süni intelellekt aləti hansı imkanlar təklif edir?
Meta şirkətinin süni intelellekt tədqiqatçısı olan Felix Kreuk yeni Music Gen süni intellekt alətinin imkanları elan edib. Belə ki, Kreuk bu barədə video paylaşıb. Videoda hazır musiqinin süni intellekt alətində çox sadə üsul ilə dəyişə biləcəyi, müxtəlif melodiyalar ilə təkmilləşəcəyi göstərilib. Yəni istifadəçilər heç bir hazır səs istifadə etmədən tamamilə fərqli melodiyalar yarada bilərlər. Təbii ki, bu zaman müxtəlif zərb alətlərindən istifadə etmək lazımdır. Bundan əlavə yeni süni intellekt aləti bir çox lisenziyalı musiqi də istifadə edə bilir.
Maraqlısı budur ki, Meta şirkətinin yeni süni intellekt modeli olan Music Gen sadəcə ilk 12 saniyədə yüksək keyfiyyətli musiqi yarada bilir. Siz mətni yazırsız daha sonra süni intellekt modeli sizə bir çox melodiya təklif edir. Siz isə həmin melodiyalar arasından ən uyğununu seçirsiz. Hal-hazırda Facebook-un Hugging Face AI veb saytındakl demo versiyada yeni süni intellekt alətini sınaqdan keçirmək mümkündür.
